【油尖旺區】【茶檔】

【油尖旺區】【茶檔】一段時間冇點寫茶餐廳，被一班終日流連女僕店嘅社會監察者指我「茶記 foodie」嘅呢個稱號好似唔係太過牢固。為咗佢哋呢班社會賢達不至於被扣上「講大話」嘅帽子，我唯有努力啲，寫返多啲茶餐廳嚟補返寫少咗條數。 吖，一時忘記咗女僕店嘅圈子未必個個知咩叫社會賢達，即係「具有廣泛社會聲望的人士」呀，補充返先，費事一陣唔明我寫乜又直接話我寫錯字之類。始終茶餐應屬茶餐廳，冇茶餐嘅餐廳又係咪茶餐廳呢，幾有思考空間。 入到尖東嘅呢間「茶檔」，就梗係叫個「下午茶套餐」玩吓，冇芝士牛肉漢堡，就叫個 $39 嘅「吉列魚柳配西多」。吉列魚柳屬於正常水準，西多就有半塊仲要分做兩粒，不過有夾花生醬就算啦，配杯「熱奶茶」都唔錯。 另一次去就食個 $44 嘅「公司三文治」，都係「下午茶套餐」嚟。個公司治幾好食，尤其係隻蛋，仲有芝士喺側邊傍住，倍添滋味。而其他嘢都幾好，而且成件事都幾新鮮熱辣。餐飲「凍檸茶」唔算特別，一貫茶餐廳水準。 其實呢間嘢我之前仲去過幾次，不過唔知點解搵唔返啲相，咁就由佢啦。半島中心啲餐廳我都唔係第一次介紹，都係屬於 1am紅館 系列嘅。然而都係嗰句，佢哋係收七點嘅，想直接坐到演唱會開場之前似乎有困難，要度一度。。。 （地址：尖東麼地道 67 號半島中心 1 樓 117-119 室） #1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺區 #1am紅館 #紅磡 #尖東 #尖沙咀 #茶檔 #伯樂軒 #下午茶 #吉列魚柳配西多 #熱奶茶 #公司三文治 #凍檸茶 #吉列魚柳 #西多士 #茶餐廳 #1am0968 #1ambackup