快閃台北之旅必去景點!3日2夜10個行程+美食推介!

第三話 快閃台北之旅必去景點!🇼🇸 3日2夜10個行程+美食推介!Day 3 Day1 1. 興波咖啡 2. 台北101觀景台 3. 青花驕火鍋 4. 不老松 Day 2 5. 十分 6. 𤠣硐貓村 7. 九份 8. 寧夏夜市 Day 3 原本諗住最後一日早上去台北人氣超爆嘅早餐店-阜杭豆漿,試佢嘅早餐同飲豆漿,諗住朝早6點去到排隊的,但因為都係起唔身,所以都係去唔到,😂希望下次可以挑戰成功試到啦。😆 9. 華山文創園區 華山1914文化創意產業園區係建立於1914年,原本是日本生產清酒嘅廠房,後來慢慢成為了華山藝文特區,越來越多嘅文藝活動都會喺呢度搞。好似每逢週末都會有不同嘅市集舉辦,成個文創園區都好多人好熱鬧,下次可以週末時間去感受下文青氣息!而且呢度有好多好靚嘅咖啡店、小磚屋、石牆、樹林公園等打卡場景,只係黎行行,飲下咖啡,打下卡都值得。🏡📸 😆 華山文創園區 📍100台北市中正區八德路一段1號 10. 西門町 西門町有好多景點同美食店,係一個無論係行街,掃街食嘢一應區全嘅地方!作為尾站係冇錯嘅🤩 今次行咗西門紅樓,感覺有點似PMQ ,除了係古蹟建築外,更有好多設計文創店😍同小展覽可以睇。另外必試美食推介有阿宗麵線,佢嘅麵線新鮮熱辣,麵線幼細入味,味道啱啱好😋;另一間係程味珍,佢嘅滷肉飯同滷味真係超正,滷水雞翼、豆腐、蘿蔔都好推介,我哋叫完一round 再encore 叫多次。😆😋😋呢兩間都好好食,好多人排隊㗎。😋去西門町唔好錯過啦!🤩 三日兩夜可能唔夠玩,但只要把握時間,都可以去到好多地方,希望今次為你嘅下次台灣之旅提供到少少行程建議啦^_^😆😆 #台灣 #台北 #taipei #自由行 #必去 #好去處 #熱門菜式 #打卡 #攻略 #chill #週末 #快閃之旅#快閃

地址
台灣
台灣
評分
5/5
好詳盡嘅介紹🤩
good
下一篇載入中