港式邊爐之選，湯底足料，食材新鮮😋

🔸️沙田頭火鍋 📍旺角砵蘭街139號地舖 朋友去完旅行﹐緊係派下手信又藉口聚下既~約左係旺角食野﹐見到呢間打邊爐都幾LOCAL ，入面都多人食﹐睇黎唔錯。 題外話﹐原來呢條街都幾多串燒店﹐下次可以一試! 呢間打邊爐有好多款湯底呀﹐樣樣都想試﹐最後選左冬陰功湯同以下食品。 🗨 泰式海鮮冬陰功湯 - 澳洲M6 三角牛小排(細) - 加拿大珊瑚蚌 - 手打鮮滑三拼 - 雜菇拼盤 - 百葉豆腐 🗨 小食: 藤椒麻辣爽魚皮 🗨 ASAHI 大1枝 埋單$ 1001 (2位用) 佢個湯底好正﹐個味夠濃但又唔會太酸。底料有蝦﹐蜆﹐菇。呢個湯底配菇一流﹐非常之夾。侍應話個湯底係可以就甘湯架～ 牛小排一黎到見到甘靚仔就開心曬﹐食落肉脂味夠香﹐浸耐多少少都唔會韌。珊瑚蚌都新鮮夠爽口。 另外﹐個鮮滑三併分別係墨魚﹒蝦﹒牛。墨魚滑同蝦滑都好鮮味﹐feel到用心製作﹐同大型店所謂既手打滑真係有分別。 麻辣爽魚皮﹐食落夠麻亦都好爽身﹐但佢剪得魚片太細碎﹐食落唔夠過癮。 最後發生小手插曲﹐個晚氣氛幾好﹐仲有客人請我地飲多兩枝ASAHI﹐佢拎左一枝凍一枝唔夠凍既請我地飲。仲好好甘幫我地開左佢﹐但係開左枝唔夠凍既🫠😂 ﹐由於太飽﹐我地飲唔到甘多﹐最後退番未飲個枝比餐廳。