歐陸滋味，沙田帝都酒店全新餐廳😉

2+2 café & bar 沙田白鶴汀街8號帝都酒店1樓 早排一班人聚會，去咗沙田帝都酒店全新餐廳「2+2 cafe & bar」，餐廳主打歐陸菜式，裝潢簡約以木系為主，另外有個型格酒吧，同朋友飲番杯都唔錯。😉 海鮮拼盤 拼盤幾豐富，分別有波士頓龍蝦、生蠔、南非鮑魚、北海道帶子、虎蝦。海鮮好新鮮，虎蝦大大隻，生蠔亦幾肥美，同時有6款醬汁配搭，作為頭盤唔錯。 西班牙黑毛豬煙腿配日本赤肉蜜瓜 用上24個月嘅黑毛豬，滿滿油脂香氣及咸香，配搭蜜瓜及無花果都好食。 鮮番茄松葉蟹櫻花蝦方形意大利麵 手工意大利麵非常彈牙，口感非常好，加入櫻花蝦令味道多份層次，而且蕃茄醬甜甜酸酸，好開胃。😋 火焰龍蝦干邑濃湯 上菜前會倒上煮熱嘅干邑燒龍蝦，增加香氣，龍蝦湯味道非常濃郁，每份仲有半隻龍蝦肉，好味。 鹿兒島A4厚燒和牛肉眼配烤虎蝦 和牛煎得好靚，牛脂非常香，油脂感幾強烈，配菜嘅小蕃茄好甜好juicy。😊 意大利咖啡芝士朱古力 呢個Tiramisu有啲驚喜，賣相好精緻，好啱打卡。而底層手指餅滿滿咖啡香氣，質感幾濕潤，配上香滑意式軟芝士，可以自己食哂一整個。😆😆 整體餐廳環境及食物質素唔錯，每款菜式都好味，同朋友聚會又想食好西，呢度都唔錯喎。