⭐️牛頭角⭐️金飯館⭐️滿分炒飯 唔洗洗腎沙嗲牛🐂

究竟有咩本事，一間餐廳專賣炒飯🍚已經咁多人食，仲要沙嗲牛肉🐄關注組咁多人推，Soy Egg 🥚同9 Flag 🏳️就去牛頭角睇下依間專食炒飯既金飯館有咩咁吸引😋 金飯館 炒飯🍚 必試: 秘製沙嗲牛肉雙燶邊蘭王蛋飯🐄🍚凍檸茶 🍋🥤 環境🌟：4 食物🍽️：5 服務🧑：4 價錢💰：人均$100 是但總結: 淨係粒粒分明同金黃色既炒飯，已經可以無限encore😋 是但食評🌟💬 ✰環境😋年輕活力感😋 無咩奢華裝修🏡 白色牆磚 簡潔舒服 燈光通明 乾淨企理 有D金飯仔既紙牌係側邊 同 金飯館既招牌燈💡 小小既裝飾 增添唔小活力同年輕感 成個感覺舒服😋 ✰即炸豬扒雙燶邊蘭王蛋飯 配蔥油 ($78) 🐖 比較下較遜色🙂 炒飯依然出色 🍚 但依隻燶邊蘭王蛋真燶左 有苦味🍳 豬扒份量好多 食落唔知點解有小小味極味 🐖 肉本身口感係好既 偏實淨但唔乾 唔會咬唔開 有肉味 合格但唔驚喜 可惜炸得唔夠脆🙂 蔥油好香 有小小沙疆味 好夠味 好食😋 ✰秘製沙嗲牛肉雙燶邊蘭王蛋飯 ($78) 🐄🍳 唔洗洗腎 滿分之作😍 一上枱 橙黃色既蛋黃已經令人食慾大振🥚 𢳂一啖炒飯 已經見到每粒都係金黃色粒粒分明 夠乾身🍚 食落一D都唔油膩 唔會過乾 唔會過油 岩岩好😍 真係唔可以唔讚師傅既功架 真係超一流🥘 燶邊蘭王蛋蛋白煎到酥脆易碎🍳 咬落去已經聽到chop chop聲 蛋黃依然保持濕潤而不過熟 連炒飯一齊食 同時加添左脆同濕潤既口感 蛋味triple up🥚🥚🥚 牛肉夠腍🐄 牛味都有 無根 無鬆肉粉既味 處理得幾好 沙嗲超香🌶️食落花生味好濃郁🥜 微微辣 稀杰程度岩岩好 成個味道好厚實 平衡得好好 重點唔會過咸 唔洗洗腎 所有野分開已經高分 加埋一齊食絕對相得益彰 係我心目中接近滿分之作😍 ✰招牌鮮茄炒飯 ($68) 🍅 茄味濃 炒飯依然乾身😋 完全無expect到鮮茄加落去都可以炒到咁乾身🍚 平時好驚食D西炒飯炒到一pat pat 依個仲要加埋超易出水既鮮茄落去 都可以粒粒分明💧 茄味濃 但唔係得茄汁同茄膏味 真係食到鮮茄味🍅 叉燒粒都唔似賣爭果D咁超乾超柴🐖 ✰凍檸茶 走甜 加配 ($8) 🍋🥤 檸茶都有驚喜😍 入邊竟然有青檸🍋 #香港美食#九龍#牛頭角美食