台灣限定純白色型格咖啡店推介 - NAKA

今次去台北旅行發掘咗一間純白色型格咖啡店,試過之後覺得好特別,真係要推介一下☕️😋! 呢間台北咖啡店叫NAKA,位於華山文創園區周邊,係一間好有特色嘅咖啡店,而且係今年7月先至開業,好開心可以試到咖啡新店!😆😆 Cafe 裝修係用咗全白色配上橙色點綴,感覺幾純潔同refreshing,店內只有兩張高圓枱,主要係外賣為主。Cafe 主打好多台灣特色嘅咖啡、調酒🍸嘅咖啡,好特別好新鮮。☕️ ~ Latte 拿鐵 $100(新台幣) 想試下佢咖啡嘅原味,所以試咗佢簡單嘅咖啡 Latte 。個咖啡拉花係簡單嘅心形,不過好香濃,咖啡豆偏向 Choco風味,不太苦澀夾雜少少酸味,同奶mix 得好好,飲落濃郁順滑,幾好飲!😋♥️ ~ Pink Guava Coffee 紅心芭樂咖啡 $130(新台幣) 店員推介咗兩款獨創人氣咖啡,Lychee Long Black 荔香咖啡 同 Pink Guava Coffee 紅心芭樂咖啡,最後我試咗台灣出名嘅芭樂味。😆😋 紅心芭樂咖啡係一杯凍嘅美式咖啡加咗芭樂汁,有酸澀適中嘅咖啡味,而更多嘅係芭樂汁同甜味,飲落清爽順口,冇太苦澀的口感,芭樂香突出,有啲似飲緊芭樂汁,幾好飲,幾特別,不錯!有啲想試埋其他口味嘅特調咖啡😆😍! 最特別呢間台北cafe 係有用酒調嘅咖啡,如果去開華山文創園區,想試啲特別咖啡,推介可以試吓呢間咖啡店!😆😋 NAKA Taipei 📍 台北市中正區忠孝東路二段87號 推介程度:❤️❤️❤️❤️❤️ 捷運:忠孝新生站 營業時間: 星期一至四 10:00-20:00,星期五至日10:00-22:00 #台灣 #台北cafe #新店#台北咖啡 #限定 #純白色 #文青 #咖啡 #型格 #咖啡店 #推介 #芭樂 #design #coffee #cafe #設計 #橙色 #台北 #熱門菜式 #打卡 #攻略 #chill #週末 #下次要再食

地址
NAKA Taipei
100台灣台北市中正區忠孝東路二段87號1樓
評分
5/5
H
下一篇載入中