台灣必試滷味! 50年的西門町必食名店-程味珍

黎到台灣又點少得要食滷肉飯。今次就去到西門町試咗一間開業近50年出名食滷味嘅老店「程味珍」，雖然話係老店，但感覺佢好新淨，好似新裝修完咁好乾淨整齊。 ～ 滷肉飯🍛 黎到當然係必點滷肉飯，滷肉比較大件，堆滿飯面，睇落就覺得好好食。滷肉係一層瘦肉一層肥果種，滷汁香濃，睇起來好膠質，滷肉好上色😍。食落肉粒好入味，少少黏，帶有一點點甜，而且飯係粒粒分明，又唔會太乾身，夾埋個滷水汁一齊食真係好好味😋😋🤤🤎。 ～滷味🧆 除咗滷肉飯外，當然要食其他滷味😋點餐方式係喺紙嘅菜單填好想食嘅嘢後，再去滷味櫃到夾自己鐘意嘅滷味，之後再去收銀處付款。整番熱之後就會送去你枱面，服務幾好！個人覺得必點係，豆皮、雞翼、雞腎、甜不辣 、蘿蔔等。全部都好入味好正！食到不停encore🤤😋😍👍🏻! ～排骨🥩 程味珍排骨都係我好鐘意嘅菜式，排骨係用古早番薯粉去炸，炸到淺金黃色，好香脆可口。肉身偏薄，但咬落啖啖肉又不太油膩，炸得好好簡單得來好好味呀，會忍唔住係咁食。😋😋 如果去到唔知點叫餐，服務員態度都好好，會介紹同你講解點樣落單。呢間程味珍滷味真係好好食，下次去台北一會再番去食😍☺️。 程味珍 📍台北市萬華區西寧南路65號 推介程度：❤️❤️❤️❤️❤️ #台灣 #必試 #滷味 #西門町 #名店 #排骨 #程味珍 #滷肉飯 #景點 #台北 #台北火鍋 #taipei #自由行 #必去 #好去處 #熱門菜式 #打卡 #攻略 #chill #週末 #快閃之旅 #快閃