🌟餐廳：J.moon

🌟餐廳：J.moon 📍地址：旺角西洋菜南街1A-1K號百寶利商業中心4樓10-11號舖 💰價位：$101-200 ⏰營業時間：星期一至三/日14:00 - 00:00星期四14:00 - 02:00星期五至六12:00 - 02:00 📱電話：95455738 今晚去咗全港首個月球主題餐廳J.Moon Lounge，滿佈月球玻璃波波燈，裝潢華麗又夢幻，真係超浪漫超唯美！ ——————————————————— 🔹 Fried chicken with Tariyaki mayo 雞翼炸得好香脆，食落有少少辣，加上單骨雞翼食落特別方便。脆辣雞翼配上蛋黃醬，濃郁嘅味道夠晒惹味呀！ ——————————————————— 🔹 Truffle Bikini 呢件黑松露三文治非常邪惡，唔好見佢細細件，焦脆外皮嘅牛油多士夾住黑松露醬，味道濃郁而且充滿黑松露香味。 ——————————————————— 🔹 Sea Urchin Sauce Rigatoni 海膽醬濃郁而且夠杰身，甜甜地得來仲帶少少奶香，均勻分布喺每條長通粉上，長通粉食落夠煙韌，配上醬汁令口感非常好～ ——————————————————— 🔹 J moon pizza 呢款Pizza嘅餡料非常豐富，有辣肉腸、煙三文魚、煙肉、蘑菇、火腿、火箭菜，仲有一隻流心溫泉蛋，豐富嘅食材令味道同口感都更有層次，但又唔會太鹹，而且Pizza係我鍾意嘅簿批，食落卜卜脆～ ——————————————————— 🔹 Virgo 茉莉花茶味嘅Gin帶有淡淡荔枝清香，加上蔓越莓嘅清甜味，令呢杯Cocktail味道有層次得來容易入口～ ——————————————————— 🔹 Phoenix 呢杯mocktail由檸檬汁、蘋果汁同青瓜製作而成，再配上紫羅蘭，酸酸甜甜又清爽，非常容易入口～ ——————————————————— 😋味道：4/5 🏢環境：4/5 💁🏻‍♀️服務：4/5 💵價錢：4/5 🤟🏻性價比：4/5 ———————————————————