和牛波士概念店🐂

銅鑼灣SOGO超市入面開咗間專食和牛嘅店舖，店家主打食澳洲黑毛和牛，和牛迷必試！每一份餐點都有和牛係入面，有便當、和牛牛丸同賣相最吸睛嘅Taco Sushi! 🐂鐵板和牛舌芯Taco Sushi 賣相十分精緻，Taco Sushi用上紫菜天婦羅作為Taco皮，炸得好香脆，和牛牛舌芯口感軟身而不失彈性，加上秘製醬汁份外惹味！Taco sushi內仲夾住新鮮爽脆沙律菜，多重口感 🐂麻辣和牛牛丸 牛丸牛味濃郁，口感好彈牙，咬落去有肉汁，旁邊配以黄金蟹籽沙律 🐂鐵板M7和牛西冷便當 便當價錢雖然唔平，但和牛真材實料，便當上嘅和牛用鐵板烹煮，火喉控制得好，和牛顏色粉嫩，賣相好吸引！肉質軟嫩，牛味香濃，伴菜有牛丸同沙律菜，米飯用上日本米，口感更軟糯 🍴和牛波士概念店 📍銅鑼灣軒尼詩道555號崇光百貨B2樓14B號舖 #年輕肌gotcha#春日賞櫻#香港美食#和牛波士概念店