深圳福田高級日本菜「野岩炙」

去完Costco，返嚟福田呢邊食嘢，方便過關。食得多中菜，今次試吓嚟日本野，同場都有唔少香港人。相比起香港，深圳食嘢真係平好多，質素亦穩陣😳野岩炙仲拎左5年米芝蓮推薦！ 🩶雙人餐$1088🩶 ▪️迎客·柚子飲🍊 食野前飲番杯柚子汁，清爽開胃 ▪️先付·翡翠茶碗蒸🫛 茶碗蒸上面放上青豆，味道清甜，雞蛋平整又嫩滑 ▪️向付·魚生盛🐟 魚生用日式餐盒😍擺盤精緻，雪花和牛包住甜蝦，表面放上海膽同鱘魚子醬，一口滿足晒幾個願望😋新鮮香甜無腥味。真鯛肉質有彈性，味道較清。藍鰭吞拿魚肉質肥美，醬汁酸甜 ▪️名物·汁煮牛舌👅 牛舌煮得好腍，味道鹹鹹辣辣辣，配埋sake就最啱 ▪️燒物·鴿子半身燒🐦 師傅話每朝番黎處理，製作需時，好巧功夫。鴿皮香脆，調味非常好，配搭柚子胡椒醬，味道更突出🫶🏻 ▪️醋肴·松葉蟹醋啫喱🦀 松葉蟹肉鮮甜，口感輕盈清新，非常精緻 ▪️新年盒🐂💝 個盒都咁有睇頭，營造晒新年氣氛，華麗貴氣！當然係打個卡，相機食先📸盒內有M9和牛角切、M10和牛小排、M9和牛小排、M9和牛板腱、特選雪花和牛厚切同特選雪花牛舌福袋。 牛角切配上日本七彩芝麻，帶嚼勁。牛小排肉質軟嫩，油脂分布平均 牛板腱下面收埋咗一隻蛋，表面放上松露泡沫，撈勻黎食更滑溜 另外牛舌福袋入面有驚喜🤩每一片牛舌都包住蔥粒，亦都食得出加左少少檸檬汁喺入面，食落味道清新 ▪️冷肴·梅子漬蕃茄🍅 食完燒牛肉再食返個酸酸甜甜嘅梅子漬蕃茄解膩又消滯，上菜配搭有心思 ▪️食事·黃金萬兩（粟米飯）🍚 ▪️吸物·舞茸菌清雞湯🍄 粟米飯入面仲有菇類同埋大豆芽菜，飯粒口感軟糯，唔夠仲可以添飯，雞湯清甜無味精 ▪️甘物·季節水果 蜜瓜🍈 果肉香甜，質感爽口 ▪️甜品🍨 今日嘅甜品係醬油海苔雪糕，之前都未試過呢個味，非常之特別🫨帶甜醬油味，又有海苔嘅香味 全程店員服務好好，師傅亦好用心講解食材。同香港食omakase差唔多，性價比好高，大滿足🥰 📍野岩炙·板前燒肉料理（卓悅中心店） 深圳市福田區福華1路OneAvenue卓悅中心西區負2層b234-235號舖 #深圳#深圳美食#深圳好去處#深圳市#深圳一日遊#深圳遊#hkfoodie#hkfoodblogger#foodstagram#相機食先#假期好去處#假期#hkblogger#shenzhen#shenzhenchina#深圳好去處#北上#shenzhenfood#福田#卓悅中心#崗廈#omakase#燒肉#深圳燒肉#福田區美食