🌟餐廳：新合成燒臘飯店

🌟餐廳：新合成燒臘飯店 📍地址：佐敦廣東道589號B1-B2號 💰價位：～$50 ⏰營業時間：星期一至日 10:00 - 22:00 📱電話：27719458 識我既朋友仔都知道我好鍾意食燒鵝～難得今日放假me time，一於就歎返個燒味午餐先～今日去左呢間位於佐敦既街坊老店「新合成燒味飯店」，各款燒臘出自自家工場，質素有保證，等我慢慢嘆番餐先～ ——————————————————— 🔹老火靚湯 一坐低，老闆娘就送上大大碗既老火靚湯～今日呢款係粉葛煲豬骨，豬骨用上燒肉及燒骨，足料又下火！ ——————————————————— 🔹 燒鵝油雞飯（加咸蛋） 大大碗燒鵝油雞飯，份量十足～燒鵝外皮甘香，油脂感夠哂豐富，鵝肉啖啖肉；油雞肥瘦適中，醬油味夠香濃，好出色～為食既我仲加左半隻咸蛋，金黃色既蛋黃好吸引，用黎送飯無得彈! ——————————————————— 🔹油菜（菜心） 菜心大大碟，鮮嫩爽脆～值得一提係加左燒臘醬油，更加惹味！ ——————————————————— 🔹罐裝汽水 食燒味飯，最啱就係嘆番罐冰凍嘅汽水，gur一 gur好滿足～ ——————————————————— 😋味道：4/5 🏢環境：3.8/5 💁🏻‍♀️服務：4/5 💵價錢：4/5 🤟🏻性價比：4/5 ——————————————————— 👅整體小總結 餐廳主打既燒臘食物，價錢親民，深受附近街坊歡迎，午飯時間前黎外賣既人源源不絕～ 食物方面，招牌燒鵝肉嫩而且油香豐富，燒制火喉控制一流，無論堂食或者收工外賣加餸都係一個唔錯既選擇～