燒肉放題星期六日午市$108

元朗劇院附近御庭居商場 新開冇耐既「派龍殿」🔥🔥🔥 午市嘅價錢性價比超高 平日星期一至五成人$98，星期六日公眾假期$108 星期日就去咗試呢間嘅午市 地方都幾大👍🏻 熟食有10款，平均都唔算太差 個人認為必食推薦🔥🔥 避風塘茄子 - 好味吾油👍🏻唔算辣 西檸雞 - 酸酸甜甜嘅味道，炸皮唔係好厚，都幾有咬口，個味調得幾好👍🏻👍🏻 泰式魚餅 - 尤其啱啱新鮮出爐嘅超好食，size幾好一口一啖👍🏻👍🏻 日式炸蝦 - 超好食，可以試吓點芥末醬都幾夾👍🏻👍🏻 冷盤有壽司同埋少少前菜(泡菜、中華沙律、螺肉） 壽司全部都係獨立包裝嘅，雖然感覺衛生啲，但係啲飯真係完全唔掂，雪得太耐，一粒粒硬硬實實嘅感覺👎🏻 基本常見嘅生果盤 韓燒嘅食物種類選擇適中，size切得啱啱好，因為好多時出去食嘢嗰啲size都切到比較大件，如果細細件就可以食多啲試多d👍🏻👍🏻 尤其推薦🔥🔥魷魚、咖喱魚柳、秋刀魚、雞腎、台式黑椒腸👍🏻 甜品唔算係好多款，味道真係普通🙇🏼‍♂️唔試都冇乜所謂🫢🫢 午市仲有黑松露蘑菇湯同埋雪耳木瓜糖水👍🏻 必試推薦👍🏻🔥 爆谷有驚喜，幾香口👍🏻唔油👍🏻幾脆👍🏻👍🏻 仲有牛奶公司嘅細杯裝雪糕 熱咖啡唔錯👍🏻 雪糕正👍🏻抹茶味+ Oreo再整埋麥旋風咁👍🏻推薦👍🏻正 佢有部話係全港首創自動整花紋棉花糖嘅機 不過好可惜壞咗，冇得試，但有之前行過有見過人哋玩得好開心，整出嚟真係好靚！有機會真係要試吓😆😆 入口位旁邊仲有粒戒指型座位打卡位🤭😁😁 總結：午市性價比超高，食物質素唔太差，唯獨壽司同甜品有待改善，有下次！ 派龍殿 (元朗) 元朗馬田路80號御庭居地下6-7號舖