冷麵@俺流塩らーめん

早排見到俺流塩らーめん出咗兩款期間限定嘅冷麵，有朋友又話有興趣，咁就一齊去食。佢一早就決定咗要柚子味嘅一款，另一款係擔擔麵咁嘅，就我要啦我本身對兩款都有興趣嘅其實。另外再點一個餃子。 食物好快就嚟，餃子叫大阪燒餃子，原來就係餃子上面加大阪燒嘅汁醬，同埋好有動感嘅木魚碎，又真係生色不少。 兩款麵都係跟雞肉，又大塊又嫩。柚子嗰碗麵有啲水菜，擔擔麵嗰碗就有啲菠菜，好清爽好好食。 夏天真係要食呢啲，至於湯麵，其實佢哋都有好多款㗎，我會留返天氣冇咁熱嘅時候再嚟食。