出色日本風甜品店-TERA, 必試每日限定焙茶梳乎厘!

今次再去佐敦係為咗去食之前已經想試嘅日式甜品店-TERA😊！ TERA位於廟街嘅寶發大廈，佢嘅裝修風格好日式，門口有個木柱構成的頂，加上還有個戶外用餐區，日系得黎又時尚，好吸引人入去。入到店內，前面係靠窗嘅吧枱高椅位，右邊係一張超大木製餐枱，好適合一大班人一齊坐，上面吊住一個好大嘅日式和紙球體燈籠，十分有氣氛。而餐廳後方仲有一張好大好靚嘅甜品插畫壁畫海報，畫曬佢哋出名嘅甜品🍮🤤每個都好靚好吸引，睇見真係選擇困難呀🤤件件都想食。 週末lunch 時間會好多人，建議大家早啲到。 ～榛子焙茶梳乎厘班戟 $138🥞 最後叫咗佢哋嘅招牌每日限定菜榛子焙茶梳乎厘班戟同流心芝士撻，再配埋養生花茶。 因為佢即叫即整，要等20分鐘，但味道好驚喜好味，等係值得嘅😊。呢個甜品嘅擺盤己經好靚，主角係新鮮出爐香噴噴嘅梳乎厘班戟，上面淋咗焙茶醬，仲有好多配料好似有焙茶牛奶布丁同榛子朱古力碎等係碟邊😍。 班戟新鮮熱辣，好有空氣感，又夠鬆軟，又充滿蛋香。焙茶醬好香滑，焙茶味超濃郁，夾埋所有嘢一齊食👍🏻真係一流😋停唔到口呀🤤。 ～流心芝士撻 $22 而流心芝士撻更加係一個大驚喜。佢嘅撻皮酥脆，內裡嘅芝士餡料濃郁，好滑溜，一咬落啲芝士餡就嚟曬出嚟，真係好正，我食完一個就想再嚟一個。 ～養生花茶 （蕎麥保健茶）$52 到了要養生的年紀，養生花茶就好適合作為飲品了😂 佢嘅養生花茶可以從，荔枝玫瑰花茶、牛蒡茶、蕎麥保健茶、洋甘菊花果茶、桂花國寳茶入面揀。最後揀咗蕎麥保健茶，減少番個甜品邪惡感😂 個茶好芳香，茶蕎麥味道香濃，仲有少少草本植物味，飲落去，感覺好清新同埋舒服，令人放鬆心情。 TERA 嘅甜品選擇好多，下次嚟要再試吓其他甜品同飲品。😋 TERA 地址 佐敦廟街273-285號寶發大廈地下4號 推介度：⭐️⭐️⭐️⭐⭐️/5⭐️ #TERA #tea #cafe #甜品 #文青 #咖啡 #佐敦 #熱門菜式 #打卡 #chill #週末 #下次要再食