中環必試獨特異國咖啡新店，摩洛哥百年歷史Cafe

中環必試獨特異國咖啡新店， 摩洛哥百年歷史Cafe - Bacha Coffee 睇咗好多關於呢間來自摩洛哥，而且擁有超過100年歷史嘅咖啡店- Bacha Coffee 嘅報道，今次終於嚟到中環Ifc，去試佢嘅特色咖啡同麵包喇！🥰 🇲🇦☕️ 店舖內嘅裝修金碧輝煌，仲有啲異國風情感，好似去咗外國嘅宮殿咁，好靚好金光閃閃🔶🔆💛。原來呢間咖啡店只做外賣，店內冇座位可以坐，不過佢除咗有咖啡同麵包賣之外，仲有好多佢哋出嘅咖啡粉同咖啡用品，杯碟售賣，全部都好靚，買返個留念都唔錯。😄 ～ Blue Danube Coffee☕ $50 ️ 試咗一杯少有嘅藍莓味咖啡🫐😋，果然有驚喜！除咗有果香味外，咖啡味都好香濃，仲聞到夾雜住藍莓香😍😍。飲落味道微酸，不太苦，好易入口，好好飲😋。每杯咖啡仲有盒雲呢拿忌廉畀客人放入咖啡自已調味。個 Cream 好有雲呢拿香，放落咖啡令咖啡更順滑，係另一種味道，唔錯😋！🥰 ～ Brioche 咖啡鳥結糖法式甜包🥯 $23 試咗個少見嘅麵包，包上面有甜嘅脆脆，入面包住一舊咖啡味嘅鳥結糖，幾特別☕️。不過個包偏甜，建議一啖包一啖咖啡咁食😂。 ～ Kaya Croissant 咖央醬牛角包 🥐 $23 最後試埋佢個咖央醬牛角包😆🥐。牛角包上面有椰絲碎，咬落好酥脆，入口仲有椰子味🥥，中間仲有幾多咖央醬，雖然偏甜但都幾好味！😋😋 呢間cafe 真係好有異國風味，成個體驗好特別，一定會再番嚟試其他風味嘅咖啡！😍 Bacha Coffee 📍中環金融街8號國際金融中心商場1樓1063號舖 推介程度：❤️❤️❤️❤️❤️ #咖啡 #摩洛哥咖啡 #麵包 #BachaCoffee #中環 #ifc #國際金融中心 #摩洛哥 #異國菜 #新餐廳 #民族風 #美食 #熱門菜式 #打卡 #攻略 #chill #週末 #下次要再食