【Triple O's + Ciao Chow + Yo Mama Frozen Yogurt（西環）】｜一次過滿足3個願望

同朋友行西環，行上山時見到一個好亮麗嘅招牌，見到兩間熟悉嘅店名，跟住望入玻璃見到一個好得意嘅pizza 爐，幾有趣 wor！望吓店入面，得一張bar 檯，又見到車手出出入入，似外賣店，我問店員有冇得 dine in，又可以wor，就入去試吓。 🔍Triple O's（西環） 體驗感受 ⭐️⭐️⭐️⭐️⭐️ 🍴Impossible 漢堡（$96） 同pizza 一齊叫，burger 嚟先，店員落單時好細心問要唔要切開，令成件事 share 得好簡單個包又唔會散晒👍 個包有植物漢堡扒、生菜、洋蔥、番茄同埋秘製Triple O 醬汁，另外放一片酸瓜響包面，一打開時仲出緊煙，急不及待咬落去，非常 juicy，仲有肉汁漏出嚟，包嘅面係脆脆哋，醬汁好惹味，味道一流呀！ 🍴升級套餐 (+$30)/脆炸魷魚圈（套餐轉配+$16） 魷魚圈份量都幾多，一手攞起熱到high high😅，加埋tar tar 醬，咬落去好香脆，炸皮唔係太厚，魷魚煙韌得嚟易咬開，呢個都好好味！ 🔍Ciao Chow（西環） 體驗感受 ⭐️⭐️⭐️⭐️ 🍴Meat Lovers（$158） 啱啱食完個漢堡，pizza 就出現，見到上面好多料，有fior di latte mozzarella、ham、pepperoni、crumbled Wagyu beef、parmesan，批邊燶燶哋，一手攞起件 pizza，中間好薄，D 餡料完全塌陷，味道上個批比起一般嘅pizza 淡，有辣肉腸嘅位置會比起濃味D，批邊香脆都係偏向淡。 覺得奇怪嘅我，就問店員，店員講呢種係Neapolitan pizza，上網查吓先，原來呢間店係香港第一間獲得True Neapolitan Pizza Association認證嘅 Associazione Verace Pizza Napoletana（AVPN）薄餅店，正宗嘅拿坡里pizza 源自義大利南部，而pizza 嘅發源地就係Napoli。呢個認證唔簡單，麵糰入面加嘅水、鹽嘅份量、酵母種類，麵糰壓平手法、烘烤溫度等每一個細節都會受到嚴格規範，pizza 中心厚度不可大於0.3cm，睇完之後就知道，餡料完全塌陷係佢中間夠薄，批嘅味道偏向淡，係因為鹽嘅份量規定，真係有味蕾不識泰山，千祈唔可以同其他食開嘅pizza 比較，睇完資料先識得欣賞！ 🔍Yo Mama Frozen Yogurt（西環） 體驗感受 ⭐️⭐️⭐️⭐️ 🍴Regular Frozen Yogurt + 2 toppings（$52） 食完burger 同 pizza，叫埋甜品先，今次嘅 flavour 係 passion fruit，佢嘅topping 選擇多，我加咗 Brownies 同埋新鮮士多啤梨，Passion Fruit Yogurt 好香果味，比一般嘅酸多少少，不過我鍾意，加埋濃郁嘅 Brownies 啱啱好！ 我覺得一間店可以食到幾間品牌食肆呢個 concept 幾好，可以滿足到多心嘅香港人，呢度得一張檯，要 dine in 真係可遇不可求，有興趣就嚟試吓啦～ 🔍Triple O's（西環） ，香港 🔍Ciao Chow （西環），香港 🔍Yo Mama Frozen Yogurt（西環），香港 追蹤我的IG：tracyloveliving  #薄餅 #健康漢堡包 #漢堡包 #西環美食 #拿坡里薄餅 #Frozen Yogurt (此文章由U Blog 同步發佈至社群)