高質平價Fine Dining

幾年前食過一次呢間隱世私房西餐廳，覺得佢哋嘅食物質素唔錯，今次再次到訪，美味依然😋 呢間《FAB Kitchen》位於荔枝角嘅工廈，唔係睇Openrice或者朋友帶路都好難會知道有呢間餐廳。 裝修簡約企理，坐得舒服，食西餐飲杯酒同朋友仔談天說地就最適合不過。 呢度嘅Set Dinner Menu有得揀3 course $358 / 4 course $408 / 5 course $458，算係平民價Fine Dining😋 星期一晚市人客數量都多，仲有兩檯係慶祝生日，如果想嚟試吓都係book一book位比較好😬 落咗Order之後店員随即奉上熱辣辣餐包，個餐包外脆內軟，用意大利醋+橄欖油沾點餐包嚟食，好好味😋 ============ヽ(○´∀`)ﾉ♪ 🎃是日餐湯 $78 每日不同嘅廚師精選餐湯，今日嘅係南瓜湯😋 🥔巴拿馬芝士薄片 配薯蓉湯 $78 ⭐️推薦🫶🏻 見到呢個湯好特別，芝士控必選😍濃郁香滑嘅薯蓉湯，配巴拿馬芝士薄片，邪惡美味🤤 🍈 義大利巴馬火腿配蜜瓜 $78 份量多，Parma Ham油脂充足，配蜜瓜一流，仲有好多沙律菜伴碟，如果沙律菜加返少少沙律醋會更好。 🦀泰式軟殼蟹配牛油果 $108 ⭐️推薦🫶🏻 軟殼蟹非常香脆，牛油果蓉混合芒果汁同蕃茄肉，兩者配合口感清新又出奇哋match～ 🍝 三文魚籽·蜆肉意粉配白酒忌廉汁 $178 ⭐️推薦🫶🏻 大蜆同三文魚籽都非常多🤩 不過個意粉先係主角，忌廉汁味道奶滑濃郁，每條意粉都沾滿忌廉汁🤩🤩 加埋粒粒飽滿嘅三文魚籽，正🤤 🍖焗羊柳·薄荷青豆蓉·羽衣甘藍 $278 羊柳大概5成熟，但係一啲都唔羶，肉質軟嫩，我叫咗店員俾多少少Mint sauce沾點羊柳食更滋味😋 有燒香咗嘅羽衣甘藍同埋幼蘆筍伴碟。 ============ヽ(○´∀`)ﾉ♪ FAB Kitchen (荔枝角) 📍地址：荔枝角長沙灣道883號億利工業中心7樓704號舖 #蕃薯妹周圍食#食咗先講#熱門菜式#香港美食#荔枝角美食#香港好去處#西餐#finedining