隱蔽平民日式料理 午市定食套餐

幾年前嚟過一次食lunch，當時店舖冇乜人，估唔到今次去嘅時候竟然要排隊🫢 不過勝在店舖夠大，等咗10分鐘左右就有位喇🤩 上次食午市嘅時候都要散嗌，今次去就新增咗午市定食套餐，都幾多選擇，有平有貴。 【水戶魚生丼 配沙律及前菜】｜$86 好抵食👍🏻 依個價錢竟然有咁多款魚生（三文魚1片、時令魚生1片、帶子2片、蟹子、海膽、八爪魚1片、吞拿魚1片、赤蝦），仲要件件都好厚切，絕無偷功減料。質素方面就未必係去到好頂級、好好食嘅程度，但勝在性價比夠高🙌🏻 【炸多春魚（3 本）】｜$34（追加小食）｜👍🏻 唔太常見嘅炸多春魚，香脆可口😋 一共有三大條，冇平時配天婦羅嘅天婦羅汁，轉為加淮鹽喺面，覺得依個做法好聰明👍🏻 咁樣反而同多春魚更加夾。 總結：可以話係大件夾抵食嘅日本餐廳👍🏻 無論一家大細、朋友聚餐、學生放飯嚟食都好適合，住喺附近嘅朋友如果未試過都可以去試下！ #熱門菜式#食咗先講#打卡美食挑戰#香港美食#打卡#美食#打卡美食#粉嶺美食#相機食先#日本料理#著數報料 水戶日本料理 📍 粉嶺新運路33號粉嶺中心C座地下1C-1D號舖 位置／環境： 8 / 10 食物質素： 7.5 / 10 性價比：8.5 / 10 服務：8.5 / 10 會再去嗎？： YES