2023/11/29

抵食二人套餐🤑兼嚐手工意粉🍝

上次去過大埔嗰間分店,環境開揚,坐得舒服,氣氛又好;今次去開觀塘知道呢度都開咗,所以唔使諗就決定去食😝 餐廳响平台位置,所以成個氛圍都好leisure,餐廳裝修富現代感,不過放置咗好多老香港嘅舊照片及玩味文字石柱,相映成趣 呢度晚市二人套餐$368星期一至日都有,包咗餐湯🥣、前菜🧈、主菜🍝及飲品☕️ 🥖附送袋裝多士及黑醋橄欖油,多士超脆口 🥗餐湯 粟米忌廉湯:超香濃栗米味,creamy 得嚟亦有質感 🧈前菜 🥢白鯷魚茄子蓉多士 白鯷魚酸酸地並帶着濃郁魚味,面頭灑上帶有孜然味及微辣嘅調粉,配上清新清淡茄子蓉及一咬脆口嘅酸種多士,整體平衡恰到好處,食落有驚喜🤩 🥢意大利風乾火腿拼盤 拼盤有24個月巴馬火腿、莎樂美腸、寇帕火腿及青提子,火腿鹹香送酒一流 🍝主菜 🥢意大利香草醬闊扁麵 食材有櫻桃蕃茄、蕃茄乾及黑水欖,雖然係素食但味道絕不清淡,醬汁帶着濃濃嘅香草味,配上彈牙有口感嘅手工闊扁麵,清新又香濃嘅配搭 🥢蒜香白酒蜆肉意粉+$50 蜆肉脹卜卜又大隻, 而且非常鮮甜嫩滑又juicy,配料有蒜片、意大利番茜及辣椒, 所以食落有輕微辣感,整體清新唔膩,配合爽口彈牙嘅手工意粉,非常好食 ☕️飲品:紅白餐酒另+$48 🍷House White - Levorato Pinot Grigio Doc 微酸,帶有青蘋果及果皮味,清爽易入口 🍷House Red - Levorato Primitivo Igt微乾,酒體輕盈,酸度平衡,富提子香 🦪新鮮青口配茴香酒汁(二人套餐加配價$88) 青口嫩腍無渣,鮮甜juicy,茴香酒汁清爽唔膩,並帶淡淡嘅香草味,我哋將酸種多士浸泡落茴香汁,索滿湯汁食最正 🥗朝鮮薊田園沙律配意大利陳醋 $118 沙律有朝鮮薊、沙律菜、櫻桃蕃茄及麵包粒;朝鮮薊即係雅枝竹,原來係可以調節三高嘅健康食品 呢度嘅朝鮮薊係醃漬過,味道鹹鹹地,嫩腍無渣,配合新鮮沙律菜一齊食,感覺真係非常健康 餐廳不定期舉辦一些Event,今次嘅wine tasting event真係好吸引,可惜無時間參加,唯有留待下次😋 📍Pentola (裕民坊YM²) 觀塘協和街33號裕民坊YM² 3樓305號舖 #西餐 #觀塘美食 #手工意粉 #Pentola (此文章由U Blog 同步發佈至社群)

評分
5/5
下一篇載入中