無限追加爆膏大閘蟹

#全民打卡企劃 #秋日推介 又到咗品嚐大閘蟹既黃金季節🦀 等等HEA又推出大閘蟹放題,特別選用大閘蟹教主🌟全香港最正宗優質江蘇大閘蟹品牌,領有食環署及食安中心牌照,食得安心又放心✅依度推出左 88分鐘大閘蟹任飲任食放題無限追加幾吸引就同朋友黎食,放題價錢依大閘蟹既大小而有所不同,分別是: 細蟹:3-4 両 (HK$479/人起) 中蟹:4-5 両 (HK$569/人起) 大蟹:5-6両 (HK$669/人起) 特大蟹:6-7 両 (HK$829 /人起) 今次揀左中 Size, 呢個大閘蟹放題超抵,可以無限encore大閘蟹,同埋多款台式小食,品質嗰啲都OK,回本一啲難度都冇!等大閘蟹出爐嘅時候,可以叫咗啲小食同嘢飲先,等大閘蟹上枱就直接開工! /大閘蟹🦀 大閘蟹有四款口味(清蒸、鹽焗、麻辣、花雕)每款都好有特色,有公同乸可以揀,公嘅膏比較啫喱狀,食落鮮甜軟滑;乸嘅膏就係硬嘅橙黃色狀,味道更加鮮甜,甘甘哋~無論邊款味道都可以食到蟹肉清甜嘅味道原汁原味,夠鮮味之餘蟹膏亦好香濃,依度既蟹隻隻都超多膏,一打開啖啖膏非常滋味😋 /台式小食🥙 有多款台式小食,出品都唔錯,全部都係細細份,乜都可以試下!差唔多都試過曬,個人覺得下面打咗✨嘅必試!蟹粉爆汁貢丸外皮帶有韌勁,裏面juicy香菇貢丸嘅味道;蚵仔滷肉飯有三粒蚵仔喺上面,滷肉肉味都好香;阿宗麵線軟滑,有粒粒大腸,加上正宗阿宗辣椒醬,香辣惹味;多春魚炸得酥脆鬆化,食到鮮味,有驚喜! 下面都係任食嘅小食款式👇🏻,有✨可以一試! -蟹粉水餃 -生滾大閘蟹粥 -蟹油香辣雞煲 -台式腸蟹粉糯米飯 -蟹粉澎湖花枝丸 -蟹粉爆汁貢丸✨ -一口麻辣鴨血 -萬華街蚵仔滷肉飯✨ -阿宗麵線(正宗阿宗辣椒醬)✨ -士林鹽酥雞粒 -蟹粉滷肉時菜 -蟹油多春魚✨ -手工薑茶芋圓 -手工芋圓豆腐 /飲品🧋 有好多飲品選擇,包括多款珍珠奶茶、果茶、少甜冷泡茶、健康茶飲同汽水!推薦百香果烏龍茶、黑糖珍珠奶茶,都唔會好甜,飲到濃郁嘅茶味,當然必點佢嘅黑糖薑母茶,驅寒必備! /服務🕴️ 老闆娘好nice,會得閒過黎問下夠唔夠食呀?o唔ok呀啲蟹?會好關心啲客人!啲員工又快手,落左單5分鐘到就上到枱! 🌟Encore指數:9/10 等等HEA 九龍城福佬村道41號地舖 港鐵宋皇臺站B3出口, 步行約5分鐘

平均消費
HK$0
地址
福佬村道41號
香港九龍城福佬村道41號
評分
5/5
🤔️can try
👍
下一篇載入中