紅磡惹味打冷小菜😍

#casualeateateat紅磡 打冷配啤酒，夏天必備 麻甩2人組Soy Egg 🥚同9 Flag 🏳️就去到紅磡食一間潮式打冷小菜館啤一啤 新忠記打冷小菜館🍵 潮州菜 必試: 濃湯胡椒豬肚浸大花蛤🐷🐚 酥炸潮州蠔餅🦪 環境🌟：3 食物🍽️：4 服務🧑：3 價錢💰：人均$150 是但總結: 好食 夠風味 是但食評🌟💬 ✰環境 嘈但自由🙉 傳統舊式裝修 一入到去完成俾D人聲浸住 一家大細👨‍👩‍👧‍👦又有 一大班frd聚舊又有 幾個人小聚又有💬 熱熱鬧鬧 開幾支啤酒🍺 一路飲 一路食 一路大大聲吹水💦都無人話你 依種自由既感覺絕對係依D餐館先搵到😋 ✰濃湯胡椒豬肚浸大花蛤 ($178) 🐷🐚 胡椒味大爆發😋 個湯好足料 撈極都仲有野筆到出黎 第一啖飲落去 嘩 D胡椒味爆晒出黎 超級夠味 之後芹菜 肉味 鮮味 陸陸續續湧出黎 飲完全身暖笠笠🔥 但係略嫌個酸菜唔夠出味🥬 食落個豬肚係冧身，唔係爽果隻，睇個人口味，我自己就幾鍾意冧既 同埋完全無異味 抵讚👍 花蛤🐚都好鮮甜，好大隻又無沙，但有小小overcook，有dd韌 整體係好味既😋 ✰韭菜豬紅 ($55) 🥬🐷 超入味😋 韭菜豬紅🐷最緊要夠入味，依到完全做到 食粒唔會有內臟味 豆瓣醬同蒜味超濃 亦夠冧滑 送啤油一流🍺 但韭菜🥬就有小小老 ✰鹽焗元朗楊氏黃油烏頭 ($228) 🐟 油香十足😋 一夾開塊皮，已經見到好正既魚油🐟 夠厚肉但又冇過老，魚味濃郁 同埋一定要點佢個黃豆醬🌱一齊食 獨有既咸香味將個鮮味double再double ✰金牌滷水拼盤 ($138) 🍽️ 淡左D😟 睇個樣已經好似唔夠上色 食落唔夠咸 唔夠香 唔夠入味😟 有小小失望 😟 但有樣野讚，就係內臟處理得幾好，無臭內臟味🙂 ✰酥炸潮州蠔餅 ($128) 🦪 酥脆 一流😍 份量超大同埋炸得好好 一咬落起好酥脆💥，但唔會刮口 又唔會淨係食到粉漿，脆同軟既比例岩岩好 蠔🦪完全冇腥味，洗得好乾淨，粒粒都好飽滿 可以話係貼堂作品😍 地址：紅磡湖光街1-7號聯成大廈龍圖閣地下17A號舖 #香港食記#香港美食#九龍#九龍美食#紅磡#紅磡美食