2023/01/23

潮州菜x打邊爐真係第一次食,呢間位於旺角嘅潮州鹵漢大飯店主打就係食用潮州鹵水汁做湯底嘅打邊爐。打邊爐有A/B/C3款價位選擇,我哋第一次食,揀咗中間價位嘅B餐海鮮初體驗($298@),除咗打邊爐,仲有手搖海鮮袋可以過吓海鮮癮。 手搖海鮮袋 海鮮袋有3款口味可以揀,我哋揀咗醬油漬味,將醬油倒落袋到同d海鮮一齊搖兩搖就食得,海鮮吸收哂醬油嘅味道,辣辣哋,好鮮味。海鮮袋份面有彈牙波士頓龍蝦、水嫩北海道帶子、爽彈鮑魚、鮮甜沙白、螺、墨魚仔、粟米同金菇,份量十足,都算係抵食。 招牌滷水鍋 食到咁上下就可以叫店員上湯底,當然係叫招牌滷水鍋,滷水汁好香濃,用黎打邊爐就啱晒。B餐可以叫多款安格斯牛肉,好似牛頸脊、牛板腱、牛肩胛、肥牛,肉質腍嫩,肉味香濃。除咗牛,都有豬、羊、鯇魚片、各式手打滑等。 至於自助吧分兩部分,一邊有火鍋食品好似丸、餃、蔬菜等可以拎,另一邊則有唔同嘅熟食。總括黎講,嘢食種類選擇都算多,有齊海鮮、火鍋、熟食,夠哂豐富,性價比高。 。 。 潮州鹵漢大飯店 (旺角) 旺角彌敦道620-628號瓊華中心8樓 。 。

平均消費
HK$0
評分
4/5
下一篇載入中