自焗夏威夷果仁

我爸嘅教友從泰北帶咗樣手信返來俾佢，係一包raw嘅已剝殼夏威夷果仁，相當靚相當大粒。 咁就正嘞，我可以自焗。市面上好多選擇，但多數係加工咗，就係比較少見原味未烘烤過嘅夏威夷果仁。勁鍾意自己焗果仁，唔加任何鹹或甜味俾佢，咁至食到果仁嘅真味，之前都焗過花生杏仁同腰果，但就未焗過夏威夷果仁。 上網參考咗一啲youtuber嘅造法，600-800克夏威夷果仁就咁放上加咗錫紙嘅烤盤上，入焗爐，上下火都開，唔好心急，100°C，焗40分鐘，佢就會焗好。 有晚我整西芹炒蝦仁，on top灑上一啲焗好咗嘅夏威夷果仁，馬上生色不少。 當然最正就係就咁食啦，好好味而且好鬆化。雖然好食但果仁點都係屬於高熱量，每日食3或4粒，可維持心血管健康喎。