尖沙咀龍蝦套餐鐵板燒料理

尖沙咀龍蝦套餐鐵板燒料理 📍三日月 (尖沙咀) 尖沙咀金馬倫道23號金馬倫廣場2樓B號舖 今次同朋友去咗尖沙咀三日月食鐵板燒,餐廳逢星期一至星期五推岀左新既午市套餐,$498高可以食到九道菜既高質鐵板燒套餐,非常抵! ❤️澳洲龍蝦・美国Prime 肉眼薄燒9道菜午市套餐 👉🏻前菜三小點、沙律 首先係前菜,有牛蒡、豆腐、煙燻雞肉同沙津,正常水準。 👉🏻茶碗蒸 接住高係茶碗蒸,特別之處係加上左松露油,更顯香味,另外,放上三文魚子更有口感,整體味道更加昇華。 👉🏻鮮活澳洲龍蝦 成個午市套餐主角就係龍蝦,師傅特意用龍蝦膏整左個好rich既醬汁,配上新鮮即整既龍蝦,係一個味覺享受。 👉🏻美國Prime肉眼薄燒卷 👉🏻鐵板燒日本野菜 呢一款既主角就係美國Prime肉眼卷,入面包住既蔬菜好多汁,兩者mix埋一齊口感好豐富,而牛味都好岀 ,如果有需要可以加上鹽、黑椒,亦有酸汁、麵豉汁、胡麻醬,款款各有特色。 👉🏻鐵板炒飯 鐵板炒飯中加入左櫻花蝦乾、白飯魚乾、自家製梅子醬同木魚乾,梅子醬好有鹹香味,可以先品嚐鐵板炒飯,然後再倒入鰹魚湯、芥末變成茶漬飯,非常好食! 👉🏻龍蝦味噌湯 味噌湯加入左龍蝦去整,有睇頭又有鮮味。 🔹🔹🔹🔹🔹🔹🔹🔹🔹🔹 #三日月 (尖沙咀) 尖沙咀金馬倫道23號金馬倫廣場2樓B號舖 🔸🔸🔸🔸🔸🔸🔸🔸🔸🔸 #尖沙咀好食 #尖沙咀食好西

平均消費
HK$498
地址
三日月
香港尖沙咀金馬倫道23號金馬倫廣場2樓B號舖
評分
4/5
下一篇載入中