2023/11/02

榴槤控之日式放題

食日式放題梗係第一時間用手機落單📱,然後先到自助區慢慢睇下👀有咩食喇 自助區部分 🍲熱食區 有蝦多士、章魚燒、酸菜魚、花膠雞湯、燕窩鮮奶、北菇時蔬、連點心蝦餃都有😋 🧋飲品區(非酒精飲品) 冷泡茶、樽裝、罐裝及紙包飲品,連暖飲櫃都有,非常貼心;另外仲有茶包及咖啡機,橙汁、椰青水及酸梅湯,迎合不同人嘅需要👍 🍺飲品區(酒精飲品) Asahi、hoegaarden、喜力、清酒、梅酒連白酒及韓國真露都有,啱哂我哋呢啲酒鬼🤣 🍦甜品區 有乳酪、啫哩、糯米糍、馬卡龍、häagen-dazs雪糕,仲有好特色嘅老虎芝士流心雪條添,另外仲有小朋友鍾意嘅橡皮糖🥰 🥗涼拌沙律區 有凍青口及凍蝦,泡菜、日本小食、提子、蜜瓜、西瓜連西梅及砂糖桔都有😝 QR code落單部分 有好多食物可以選擇,唔少得嘅就緊係刺身及壽司,仲有創作料理、天婦羅、炸物、串燒、燒物、一品料理等,當中最想試嘅就係烤榴槤、榴槤椰皇奶凍及蝦球伊麵 🍣刺身壽司 回本之作當然係勁食刺身及蟹腳,帶子、赤蝦及油甘魚都非常新鮮 🥢創作料理 紅酒藍莓鵝肝 - 鵝肝軟腍配埋藍莓醬及墊底嘅蘋果片出奇地清爽唔油膩 🥢燒物 比目魚西京燒 - 肉質嫩滑 燒羊架 - 質地唔錯,而且冇羊騷味 🥢炸物 脆炸貓山王 - 外皮軟糯又唔會好甜 🍡串燒 燒菠蘿及鹽燒牛舌亦係必然之選,餸清酒一流 金枕頭榴槤燒 - 燒得暖笠笠,質地軟棉細滑而香濃,絕對要食 🍲一品料理 鮑魚花膠盛 - 花膠Q彈得嚟又軟腍,仲有埋鮑魚,又係必食之選 金蒜燒廣島蠔 - 勁香蒜蓉味,蠔嘅肉質都幾嫩滑 上湯蝦球拌麵 - 個汁勁香蒜蓉味,蝦球爽口,伊麵彈牙好味 榴槤椰皇奶凍 - 榴槤肉 香濃軟綿配埋甜香滑溜充滿椰香味嘅奶凍一齊食勁正,必點 雖然已經食到好飽,但係雪糕🍦係一定要食㗎, häagen-dazs夏威夷果仁雪糕絕對係我哋嘅至愛 晚市有幾個時段可以揀,我哋平日5點鐘入座,$258一位,限時兩個鐘,時間啱啱好,收碟速度快,亦無漏單,回本無難度🤑💪 😋大喜屋(沙田) 沙田沙田正街21-27號沙田廣場1樓33-35, 44-46號舖 #大喜屋 #自助餐 #日式放題 #沙田美食 #榴槤控 (此文章由U Blog 同步發佈至社群)

評分
5/5
下一篇載入中