曼谷最好食又有氣氛嘅居酒屋

前幾日我問平時幫襯開買日本入口新鮮海鮮檔老細，佢係日本人嚟嘅，我問佢曼谷邊一間居酒屋最好食，佢就介紹我嚟呢一間 Kenji Lab. 結果佢嘅介紹真係冇令我失望！ 呢間居酒屋係由日本廚師開，我哋叫咗好多唔同嘅菜式嚟試吓，佢所有嘅魚生都好新鮮，尤其係嗰盆海膽真係好鮮甜。而我最鍾意嘅就係 Seared Tuna Ponzu, Pomzu嘅少少酸味配埋鮮甜嘅吞拿魚加埋少少烤過嘅香味，真係好好食！ 呢間居酒屋有魚生同埋伴酒小食之外仲有好多其他嘅選擇，例如燒魚、燒牛肉、意粉或者係日式焗飯等等，多到有選擇困難症😅 請留意！呢度間餐廳比較細，所以最好就打電話嚟訂咗位先嚟幫襯呀。 地址：808 13 Thara Rom 2 Alley, Khwaeng Khlong Tan Nuea, Klongton-Nua Bangkok 10110 808 13 ซอย ธารารมณ์ 2 แขวงคลองตันเหนือ Klongton-Nua กรุงเทพมหานคร 10110 電話：080 449 3883 營業時間：星期二至五 17:00-23:00，星期六、日11:30-15:00/17:00-22:30 如果想睇多啲我嘅post，請follow我嘅IG @lets_go4eat #全民打卡企劃#曼谷美食#日式居酒屋#相機食先#泰國旅遊#travel#photooftheday#photography#izakaya#bangkokfood#instafood#instafoodie#thailand#japanesefood