適合約會的扒房

🌟餐廳：燃扒房Steakhouse 📍地址：福華路皇庭中心裙樓4楼樓402A（距地铁1/4号线会展中心站A1口步行160m） 💰價位：～$200 呢排成日都落雨…..終於到weekend，最好既節目就係北上逛逛，地鐵夠方便之餘，更連結各大商場，落雨都唔使怕，好便利！ 今日就約左朋友仔試下呢間大熱既「燃扒房Steakhouse」，樓底夠高，空間感十足，門外仲擺放左超巨型既Roseonly玫瑰熊，打卡影相一流！ ✨餐前麵包 - 點菜後，店員隨即送上熱辣辣自家制既house bread。我地最鍾意呢款南瓜籽麵包，口感軟熟之餘，搭配餐廳提供既牛油味道更豐富！ ✨伊比利亞火腿配芝麻菜 - 先黎一款伊比利亞火腿配芝麻菜，清新又開胃~ 伊比利亞火腿份量十足，咸香味濃，配搭口味獨特甘香既芝麻菜，夠哂滿足！ ✨椒嫩金槍魚牛油果沙拉 - 呢款椒嫩金槍魚牛油果沙拉，色彩繽紛，材料豐富。 金槍魚外層經灸燒後油香四溢，再加入牛油果及新鮮沙律菜，好balance～ 上層既沙律醬汁酸酸甜甜，令人開胃！ ✨香草玉米濃湯 -我地揀左呢款香噴噴既香草玉米濃湯，玉米味道夠突出，鮮甜又creamy！ ✨燃特色意大利麵‧寬麵肉醬 -麵食我地就揀左招牌既燃特色意大利麵‧寬麵肉醬~ 上屠既肉醬餡料夠豐富而且濃稠，啖啖蕃茄濃香味，意大利寬麵口感煙韌，彈牙夠口感，整體都好出色！ ✨燃‧谷飼安格斯肉眼 -主角出場，我地揀左燃‧谷飼安格斯肉眼。 餐廳有自家既牛扒熟成櫃，各牛肉部位應有盡有，抵讚！ 我地叫左5成熟既谷飼安格斯肉眼，上菜時以高溫既陶瓷碟上菜，令牛扒可以保持溫度，夠哂專業！ 特別一讚牛扒油脂分佈好均勻，肉質粉嫩juicy，牛肉味香濃，夠高質，大推！ ——————————————————— 😋味道：4/5 🏢環境：4.5/5 💁🏻‍♀服務：4/5 💵價錢：4/5 🤟🏻性價比：4/5 ——————————————————— 👅整體小總結 呢間燃扒房Steakhouse，裝修陳設及環境好高貴優雅，無論燈光及氛圍都一流，揀呢度去拍拖約會就岩哂！食物方面，主打自家熟成牛扒，而且性價比十足，鍾意食高質牛扒既朋友仔一定要試！ ——————————————————— #心動餐廳#約會餐廳#燃扒房