不負眾望的人氣餐廳

呢間位於大角咀嘅餐廳，地方唔算大，但非常有人氣，當晚全場爆滿，好在我哋有book定位😎 🥡避風塘魷魚鬚$78 放上檯已經聞到好惹味避風塘風味，炸得香脆熱辣，但又唔覺油膩，juicy爽彈👍 🍝素帶子忌廉牛油果醬貓耳朵粉$148 以雞脾菇仿真帶子，外型極像，煎得金黃靚仔，而且鹹香juicy；貓耳朵煙韌好趙頭，粒粒沾上濃郁creamy 牛油果醬汁，粒粒滋味；牛油果份量非常之多，仲配上好多雜菇，口感豐富😋 🧇二世祖招牌窩夫配軟雪糕$128 雪糕可揀玄米茶或豆腐，我哋揀咗玄米茶，果然非常濃香玄米味；窩夫外層微脆，內裡濕潤軟糯；並配上新鮮藍莓、綠茶味非常濃郁嘅抹茶蛋黃醬以及酸甜香濃嘅士多啤梨忌廉醬，絕對值得推介🤩 🍹原粒青蘋果沙冰$48 造型靚仔，沙冰混合青蘋果蓉好有質感，青蘋果味非常突出，甜甜酸酸好醒胃 ☕️百利甜酒鮮奶咖啡$48 聞落去好香嘅Bailey味，Bailey及咖啡味道好平衡，飲落香醇順喉 📍二世祖 大角咀福全街18號地舖 #小店 #大角咀美食 #打卡美食 #二世祖 #Easy Joe #人氣店舖 (此文章由U Blog 同步發佈至社群)