大阪王將終於開幕🔥即睇最新Menu😍最推介呢隻味！觀塘新餐廳

講咗重臨香港好耐嘅「日本元祖級」連鎖燒餃子店「大阪王將」終於正式開幕啦🔥即刻就去咗試～🥰 叫咗個套餐B！（$68） 包咗 👉🏻6隻餃子🥟 👉🏻細嘅日式炒飯🍚 👉🏻同埋一罐汽水～🥤 加咗$12升級做波子汽水😋好耐無飲啦🩵 餃子叫咗大阪燒口味🤎Size有隻手指咁長👍🏻 餡料都夠～加埋燒汁都幾特別，好食！日式炒飯普通，有啲似揚州炒飯😂😂😂 另外仲追加咗3隻和風雞翼（+$24）🐔同3隻餃子（+$24）🥟雞翼灑滿芝麻幾香口！👍🏻底下仲有少少燒汁幾surprise😚 餃子揀咗芝士味🧀面頭有芝士醬同芝士粉～芝士醬Ok，但感覺同芝士粉唔夾🥲小敗筆 兩個人加埋食咗$128，人均$64食到日式口味，都飽肚～特別係大阪燒餃子值得再食🤟🏼 嚟緊仲有唔同嘅日本過江龍開幕😍期待更多震撼味蕾嘅食品！ #大阪王將#日式餃子#日式小食#日本菜#日本過江龍#觀塘必食#觀塘美食#觀塘餐廳#觀塘日本菜#大阪攻略#日本攻略