東京必到打卡觀景台-Shibuya sky

去到東京，當然要去必到打卡點潮聖！ 位於澀谷區既Shibuya sky，在市中心45樓望出去，就會見到市中心繁華既景色。無論咩年齡，去到都一定機不離手😏 想到觀景台打卡一次過睇晒日間、黃昏、夜晚集齊三種色既相，建議先查所屬月份的日落時間，例如九月的日落時間大概為日本時間6點左右，所以我所購買既門票時間係5點，因為要預足夠時間排隊入場。 指定升降機會由地下上14樓，先入場，再轉高速升降機上觀景台樓層，提提大家最好帶輕便的行裝，因為打卡前需要放入locker鎖起，自備100 yen 就最好啦，不過現場都有兌換機可以用，用完locker 可以退返100 yen。 最出名既係天台位置既打卡位，有攝影師可以幫手影一張相，你會見到長長既人龍，因為真係好靚！影完你之後可以係紀念品店旁邊既位置，睇返官方攝影師影既靚相，1800 yen 可以買一張實體相加softcopy，如果淨要實體相係1300 yen，視乎大家既需求啦！ 比個小貼士大家，記得係排隊既時候，諗好埋位要做咩動作，做咩表情，同埋搵定人幫手揸機，因為時間只得黃金30秒！ #一齊飛