上環必去人氣高質咖啡店-Kaffeine

上環必去人氣高質咖啡店 Kaffeine 最近去咗上環其中一間好受歡迎嘅咖啡店-Kaffeine，試咗佢哋嘅Big Breakfast同咖啡，整體嚟講真係唔錯！👍🏻 Kaffeine咖啡店嘅裝修係行日本木系小清新風，全店係木嘅色系和綠色嘅配搭，店面係木框加上可以打開嘅大玻璃窗，打開後客人可以坐在店外長櫈和戶外連接。整體裝修同環境感覺好簡潔同舒服，啲椅子都係木質配上綠色，令感覺更清新氣氛好放鬆。☺️ ～ Flat white +$20 成杯咖啡整體感覺好好，杯面上嘅拉花圖案好靚，外觀已經好吸引🤩。咖啡味好濃郁，同埋牛奶嘅比例啱啱好，唔會太濃又唔會太淡，好平衡。不過味道偏酸，應該係用咗偏果味嘅咖啡豆沖，如果鐘意酸果味咖啡嘅朋友應該會幾鐘意。 ～ 南瓜湯🫕 午餐包括前菜可以揀沙律或者餐湯，我就揀咗餐湯-南瓜湯。南瓜湯新鮮熱辣上枱，南瓜味濃郁，好「杰身」，好好味呀！ ～ Big Breakfast $118 主食揀咗Big Breakfast，係好豐富嘅全日早餐，食材包括煙肉、香腸、炒蛋同烤麵包等，真係應有盡有。煙肉煎得香脆；香腸好長好大條，有彈牙嘅口感；炒蛋炒得軟滑入口，而且好厚身。仲有健康之選鮮味嘅炒蘑菇；好新鮮嘅沙律；驚喜係有個小甜品脆脆乳酪，可以作為完結食😋。整個早餐份量都好足夠，食完好飽肚，有種滿足感。😋😍 Kaffeine 營造嘅舒適氛圍，好適合同朋友傾計或者自己靜靜地享受一個人嘅時間。成間舖都好整潔同乾淨，令人感覺好舒服。下次都會想再黎試埋佢嘅其他食物！☺️ Kaffeine 📍上環蘇杭街108號地舖 推介度：⭐️⭐️⭐️⭐️⭐️/5⭐️ #文青 #咖啡 #Kaffeine #coffee #cafe #全日早餐 #alldaybreakfast #flatwhite #日式 #文青風 #上環 #熱門菜式 #打卡 #攻略 #chill #週末 #下次要再食