【閃光彈準備】原來一年有12個情人節💖？！

「給你幸福 所以幸福🎶～」原來每個月14號都係情人節，一年要慶祝12次👩‍❤️‍💋‍👨！即刻睇下每個月嘅情人節嘅慶祝方法，再放閃啦！ ---------- 1月14日 日記情人節 Diary Day♥️ 因為係新一年第一個情人節，所以情侶會通常會送贈對方一本日記📖，記低未來一年甜蜜嘅回憶～ 2月14日 傳統情人節 Valentine’s Day♥️ 最為人熟悉嘅西方情人節，情侶間會互相送贈禮物同食飯慶祝；單身嘅女生亦會趁呢一日送禮物俾心儀對象作表白🍬～ 3月14日 白色情人節 White Day♥️ 白色情人節源自日本，喺2月14日收到禮物嘅人會喺呢一日回禮俾對方以表心意🧸～ 4月14日 黑色情人節 Black Day♥️ 黑色情人節係專為單身者而設嘅節日，喺呢一日單身者可以約埋單身嘅朋友一齊食朱古力、飲咖啡慶祝🖤～ 5月14日 黃色及玫瑰情人節 Yellow ＆ Rose Day♥️ 喺呢一日著黃色衫代表您仍然係單身嘅意思💛；同時因為5月係玫瑰花盛開嘅日子，所以情侶們亦會去郊遊欣賞玫瑰花🌹～ 6月14日 親吻情人節 Kiss Day♥️ 大家可以趁呢一日深情地吻自己嘅伴侶，好好咁表達您嘅愛意💋～ 7月14日 銀色情人節 Silver Day♥️ 戀情漸趨穩定～傳統上男女雙方會交換銀製品飾物💍，並且帶另一半回家見自己嘅父母～ 8月14日 綠色情人節 Green Day♥️ 綠色情人節有一說法係來自東歐國家，亦有一說法係來自韓國～但兩者都係希望情侶們可以以環保嘅方式慶祝🍀！所以不妨考慮買盆栽為禮物送俾另一半🪴～ 9月14日 音樂及相片情人節 Music ＆ Photo Day♥️ 呢一日會舉辦唔同嘅音樂會，所以叫音樂情人節🎤～同時，大家亦會介紹自己嘅另一半俾身邊嘅朋友認識，聚會中總會影低唔少相，所以亦叫相片情人節📸～ 10月14日 葡萄酒情人節 Wine Day♥️ 呢一日最適合就係同另一半燭光晚餐🥂，嘆下靚酒，享受甜蜜浪漫嘅一晚～ 11月14日 橙色及電影情人節 Orange ＆ Movie Day♥️ 11月係橙當造嘅時期🍊，所以以橙色命名～情侶們可以去戲院睇返場戲作為慶祝活動🎥～ 12月14日 擁抱情人節 Hug Day♥️ 一年入面最後一個情人節，最啱就係喺凍冰冰嘅天氣下攬住另一半🫂～ ----------