🥩人氣日式燒肉🔥

約左好姐妹去牛魔食無煙烤肉,餐廳位於棉登徑,勁大幅畫作牆身裝潢十分有特色!Menu主打黎自日本、澳洲同美國等嘅和牛,豚肉、炸物小食,炒飯等,相當多選擇;落單就會送上中華沙律同泡菜,有D枱有部啤酒機,下次成班朋友黎可以啤啤佢! 🍄煙燻木蘋果松露和牛他他 賣相的式可愛嘅玻璃罌,一打開就有煙霧飄出黎,裡面有顏色鮮艷嘅和牛他他,加入將蛋黃同蘋果絲拌勻就食得!黑松露味香濃,清爽嘅蘋果令口感更fresh! 和牛他他軟嫩!推介! 🥩澳洲M5/M6和牛牛板腱 和牛牛板腱大約有5大片;厚薄適中、脂肉均勻!店員敎路先燒一邊大約十零秒就卷起燒多十零秒,咁就保留倒肉汁,勁juicy肉味濃郁! 🍖厚切豚肉五花腩 優質嘅五花腩層次分明,燒時同樣燒哂兩邊鎖住肉汁,然後放爐邊慢烤一陣,最後再放爐中間用火燒至金黃色逼出脂肪! 食落肥瘦均勻肉質勁juicy而不肥膩,燒完更有微微焦香!太好味! 配埋生菜同韓式大醬一齊食更滋味! 🍚黑松露和牛肉碎炒飯 黑松露惹味香口,粒粒牛肉碎加上米飯粒粒分明,口感豐富,用石鍋上枱隔左陣食仲保留倒熱度! 🍤櫻花蝦豆腐 櫻花蝦同蛋漿一齊炸至金黃色嘅豆腐,外脆內軟!幼滑嘅豆腐豆味香濃,值得一試! 🥟櫻花蝦餃子 餃子煎至甘香,肉餡滿滿,加上面層有卜卜脆嘅櫻花蝦,食落更香口惹味! 🥞泡菜煎餅 比一般厚實嘅泡菜煎餅,煎到金黃色香脆可口!相當好食! 🧋巨峰蘇打特飲和鳳梨蘇打特飲,唔算太甜好啱我地! 牛魔Yakiniku More 地址 📍:尖沙咀棉登徑8號地下5-6號舖 #社群時間囊#社群生日快樂

平均消費
HK$500
地址
尖沙咀
香港尖沙咀
評分
5/5
nice
👍
下一篇載入中