🥩100分燒肉放題🔥

佐賀燒肉谷喺APM 開左新店,立即約好姐妹去食!我地揀左極上安格斯牛小排海鮮放題,有極上安格斯牛小排六種、海鮮等100品食物可揀;自助區有炸物類、蔬菜等、甜品區仲有自家製雪糕🍦;新店優惠,仲送清酒煮特大帶子!超值! 🥩極上安格斯牛小排海鮮放題 $438/位 🥩煙燻壺漬封門柳:長長嘅封門柳份量驚人!肉質香濃肉嫩,輕輕切左花紋令燒完嘅肉更香口彈牙仲有淡淡嘅煙燻香氣,包埋生菜同辣醬等一齊食簡直冇得彈!必定encore之選! 🥩牛肉頭盤:有極上安格斯牛小排、特上肩胛翼板肉、特選牛肩里肌肉、骨付牛肋肉、美國Prime原塊牛板腱、牛頸脊及牛舌;賣相極靚呈鮮紅色極上安格斯牛小排,肉脂均勻口感軟嫩;特上肩胛翼板肉入口即溶!粉嫩色嘅和牛上級牛胸腹肉薄薄一片一煎即熟,口感軟綿綿、脂香四溢;牛板腱色澤亮麗,肉質紥實香口!種種都咁高質又好味!太精彩! 🦞海鮮頭盤:帶子、半殼青口及螺等;另外新店送清酒大扇貝🍶,新鮮又好味! 🥗沙律:胡麻豆腐、蟹籽沙律,仲有自助區嘅味付螺肉及中華沙律都好好味! 🍜拉麵:最後點了青蔥拉麵,帶點胡椒香,十分飽肚暖胃! 🍦雪糕:最後必試自家製巨峰提子味雪糕做甜品~冰涼解膩超滿足! 佐賀燒肉谷 地址 📍:觀塘觀塘道418號創紀之城五期apm5樓L5-1號舖

平均消費
HK$450
地址
APM
香港觀塘觀塘道418號
評分
5/5
時間好趕
😋😋
下一篇載入中