【放假食乜好？】悠悠閑閑打個邊爐最滿足😌

平日食飯時間唔多，食餐飯都好急 放假最啱就係坐低慢慢打個邊爐🫕 享受一下食物同休閒嘅時間😌 喺門口見到新出咗個七星湯底🧡 望落好吸引，好想試 但係揀鴛鴦鍋 (蕃茄濃湯+北海道昆布湯）原來就唔可以叫七星湯底 睇吓下次有冇機會試 好鍾意呢間分店嘅環境👍🏻👍🏻 地方闊落，食物擺放易攞 熱食區有關東煮🍢又有牛肉飯 好有日本風味 蔬菜種類多又新鮮🥗 有唔同款式嘅水耕蔬菜 蟲草花、淮山、萵筍呢啲比較少見嘅菜類都有🥬🌽🥕 韓國麵都有唔同款式可以選擇 除咗辛辣麵，仲有韓國真拉麵🍜 甜品方面，有草莓牛奶雪糕🍓 朱古力雪條🍫 仲可以自己整棉花糖 應有盡有🤗🤗 貓爪大福好可愛又creamy🧁 仲有好似菠蘿包嘅三色泡芙 牛奶樽裝啫喱🍶 玉兔奶油包好可愛 但係食落乾身啲 之前出過一隻芝麻金箔包就好好食😊 飲品方面好多種類 有唔同嘅韓國新式飲品🧃 又有我鍾意傳統嘅燒仙草爽 好有回憶嘅忌廉溝鮮奶🥛 平時冇留意可以喐QR code order壽司 今次見人哋叫有叫返幾件試吓🍱 味道都唔錯 每次嚟牛気食完都覺得好滿足☺️ 可以元気滿滿去迎接新一天🫶🏻 #UCreator#hkfoodie#香港美食#日本菜#拉麵#壽司