2023/11/13

中環特色拉麵居酒屋仲有happy hour

嚟咗呢間喺中環非常就腳嘅拉麵店GOGYO五行,呢間店最出名就係佢哋將拉麵藝術同高級餐飲文化融合嘅理念,經常有期間限定嘅特色拉麵推出。今次嚟到就食到新推出中西fusion嘅濃厚·周打蠔拉麵。除咗拉麵,餐廳都有壽司、串燒等嘢食。 濃厚‧周打蠔拉麵 $208 呢款將日本傳統拉麵同美式周打海鮮湯結合而成嘅創新拉麵,湯底係用豚骨湯加入忌廉醬料熬製,口感幼滑,味道香濃。主角嘅蠔以煙燻嘅製法加上松露油調味,鮮味十足,仲有原片煙肉、煙肉粒、糖心蛋等配料,非常豐富。麵方面係自家製,比一般嘅拉麵粗身同卷曲,掛湯效果一流。拉麵仲連一份松露油帆立貝番茄沙律,帆立貝輕輕炙燒過,爽嫩鮮甜,加上番茄同松露油,令清爽嘅沙律更加有層次感。 五行焦香味噌拉麵(金) $178 我哋午市時間嚟,仲可以食到佢哋嘅午餐menu。揀咗其中一款餐廳出名嘅五行焦香味噌拉麵,用烘烤過嘅秘製味噌醬嚟做湯底,帶香濃嘅焦香味,非常有特色。拉麵面頭鋪咗糖心蛋同腍嫩叉燒。午市套餐嘅拉麵仲會跟一款小食同飲品,小食我哋就揀咗壽司三貫,分別有帆立貝、油甘魚、三文魚,全部都肥美厚肉夠新鮮。 餐廳因為有同嚟自博多嘅串燒店八兵衛合作,所以都可以食到佢哋嘅串燒。我哋就點咗雞腿肉($32)同味噌豚腩($35)兩款,串燒燒得好香,亦唔會太鹹或者太乾身。 順帶一提原來餐廳一星期7日喺15:00-19:00都有Happy Hour優惠,喺餐廳酒吧飲嘢除咗有買一送一,仲有串燒 7 折優惠,非常抵食。睇過wine menu佢哋除咗有紅白酒、cocktails之外,仲有#Heroes英雄啤嘅特色手工啤。 。 。 GOGYO五行 (中環) 中環遮打道16-20號歷山大廈地庫B2號舖 。 。 #GOGYO五行 #中環美食#日本拉麵#五行焦香味噌拉麵#法式烤牛清湯拉麵#日式佐酒小食#Taboocha#大杯茶#HeroesBeer#濃厚周打蠔拉麵#八兵衛串燒#7#HappyHourHK#買一送一 。 。 @gogyohk

平均消費
HK$0
評分
5/5
gd
😍
下一篇載入中