新加坡過江龍 杯子蛋糕每日新鮮製作！

相信大家都認識Twelve Cupcakes呢個品牌，佢哋嘅杯子蛋糕全部都係手工製作，口感濕潤、食落較鬆軟同少甜，十分適合香港人口味。另外，杯子蛋糕味道亦非常多元化，店舖每半個月就會推出新口味，啱晒鍾意試新嘢嘅客人～每款杯子蛋糕都各有特色，食落仲好有驚喜添！ 「餅乾奶油」Cupcake：朱古力口味蛋糕，上面擠上oreo奶油，甜而不膩，奶油上面仲有一小塊oreo餅乾作點綴！ 「咸焦糖」Cupcake：鹹鹹嘅香草蛋糕，上面擠滿香草奶油同鹹味焦糖醬，甜鹹配搭得宜。 「彩虹香草」Cupcake：外表最值得打卡！香草味蛋糕，頂層係奶油奶酪，簡單嘅配搭但意外地好食！ 小貼士：杯子蛋糕建議叮8秒先食～口感會更佳！ 除咗杯子蛋糕，Twelve Cupcakes其他蛋糕都好出色㗎！好似「咸焦糖小蛋糕」就係其中一款，蛋糕造型精緻，影相一流，而蛋糕上佈滿咸焦糖奶油、咸焦糖醬及餅乾，真係忍唔住一啖接一啖呀～ －－－－－－－－－－－－－－－ 📍Twelve Cupcakes 九龍塘達之路80號又一城L2樓L2-19號舖 九龍灣偉業街33號德福廣場2期3樓350A號舖 尖沙咀彌敦道100號The ONE 4層Kiosk 4B 銅鑼灣告士打道311號皇室堡地下G15號舖 中環德輔道中60-68號萬宜大廈商場2樓204B號舖 #香港人氣打卡蛋糕地圖