《旺角園林風特式泰菜》

ATUM旗下既餐廳每次都有驚喜 今次試左位於旺角The Forest 的泰國菜 餐廳環境以園林風為主要設計 枱與枱之間都相隔一定既距離 坐得幾舒適🥰 ✨藍蝶花蟹肉菠蘿炒飯 ($138) 店鋪人氣食品 以蝶豆花製作的炒飯 藍藍的賣相幾特別 而飯內有肉鬆、菠蘿粒、蟹肉、腰果及提子乾 味道鹹鹹甜甜 口感幾豐富！而側邊仲有原條菠蘿 大大舊 香甜多汁🍍 ✨ 冬蔭單骨炸雞翼 ($82) 總共有10隻🤤雞翼炸粉不厚 冬蔭功味帶點酸 辣味則很少量 再辣一點會更惹味 ✨ 炭燒牛肉串燒沙嗲 ($82) 牛肉串燒有4串 肉質嫩而不鞋 配上甜甜的沙嗲醬十分match ✨香蕉煎餅 ($78) 好少餐廳有呢款甜品食 以榛子朱古力醬、煉奶、香蕉、煎餅整成 多層口感 十分豐富 ✨楊枝甘露奶蓋 ($48) 係店鋪推薦飲品之一 楊枝甘露味不太出 奶蓋係以椰子奶打成 椰味香濃 飲完會有飽肚感 ✨泰國珍珠奶茶奶蓋 ($48) 雖然無得少甜 但幸好甜度適中🧋泰奶味清香 加埋奶蓋有少少滯🤣 📍 青花 (The Forest) (旺角) 旺角奶路臣街17號The Forest 1樓107-108號舖 #食勻全世界