尖沙咀高質鐵板燒套餐🔥

出咗糧梗係要去食返餐好!今次嚟到 @hotaru_teppanyaki_omakase 食鐵板燒😆😆 餐廳而家進行緊「11月螢火清酒祭🍶」,可以全日任飲指定清酒(午餐90分鐘,晚餐120分鐘)!! 另外,凡惠顧鐵板燒晚市套餐兩份,即送日本生蠔一份🦪!惠顧午市套餐仲可以優惠價$160換領日本生蠔,超多優惠呢🤩🤩 - 🍽螢火廚師特選(二人前) $1490/位✨ - 🔅沙律.蒸蛋 沙律新鮮爽脆,配上黑醋汁、酸酸地好開胃~~ 蒸蛋口感滑捋捋🥚,裡面加入了黑魚子同鵝肝,味道層次豐富😋😋 🔅鵝肝多士 鵝肝入口即溶,啖啖油脂香!連埋脆卜卜的多士🍞一齊食超邪惡!! 食完仲可以咬一啖焦糖青檸,可以中和返鵝肝的油膩感❤️❤️ 🔅澳洲龍蝦 擺盤好靚!龍蝦肉質爽彈🦞,味道好鮮甜~~ 外層裹滿用蝦膏同牛油製成的醬汁,十分惹味!師傅之後仲會拎蝦頭蝦尾去煲湯👍🏻👍🏻 🔅南非鮑魚 鮑魚大大隻,咬落好彈牙!面層放上三文魚籽,可以增加口感~~ 我就鍾意蘸旁邊的黑松露醬食,食落更加香口🤤🤤 🔅甘鯛魚配海膽忌廉汁 甘鯛外皮炸得酥脆,肉質鮮嫩可口!配海膽忌廉汁食都唔錯❤️❤️ 🔅日本A5和牛薄燒 或 厚燒 或 日本黑豚肉 我揀咗要和牛薄燒🐮,叫咗7成熟~~ 和牛肉質軟腍,中間包住大量的蔥花、蒜片,一啖擺落口好滿足🤩🤩 🔅櫻花蝦炒飯 飯粒炒得乾身、有鑊氣🔥,裡面有櫻花蝦、紅蘿蔔粒、香蔥等配料~~ 面層仲有隻半熟的蘭王蛋,將蛋汁撈勻後好送飯!! 🔅漬物.吸物 食完漬物清清口腔後,就可以飲返碗熱辣辣的味噌湯~~ 味噌湯用龍蝦頭熬製🦞,味道濃郁、帶點龍蝦的鮮味!! 🔅甜品 是日甜品係黑芝麻雪糕🍨,作為今餐完結啱啱好🥰🥰 - 🌟P.S. 餐廳仲係香港美酒佳餚巡禮的「品味香港」的參與餐廳之一🥂~~ 由即日起至11月30日,凡惠顧指定午餐 (商務特選午餐)同晚餐(螢火廚師特選)可享原價85折優惠‼️‼️ - 🏠 螢火 地址: 尖沙咀加連威老道96號希爾頓大廈LG樓1號舖 營業時間: 12:00 - 15:00;18:00 - 23:00 #全民打卡企劃

地址
螢火
Shop 1, LG/F, Hilton Towers Tsim Sha Tsui East, Tsim Sha Tsui, 香港
評分
5/5
wow
👍🏼
下一篇載入中