📍銅鑼灣｜鬧市中的日式串燒🍥🍢

今日同 👧🏽 去銅記食串燒，搵咗呢間炭火地雞，顧名思義主打當然係燒雞啦 。 傳統日式嘅裝修，一入門就聞到微微燒緊嘅炭火味 🔥 一望就可以見到廚房嘅師傅喺度燒緊串燒 ，採用備長炭人手燒製，所以燒物全部帶有炭火獨特嘅香味 。 見到list有梅酒，一坐低就叫咗杯On Rock 🥃 同一杯菠蘿冰乳酸🍍開一開胃 。 主打燒鳥當然嚟一輪先啦～ 雞軟骨及雞皮較厚身燒得香脆，送酒一流；雞翼 皮香得嚟保持到肉汁；雞心雞腎十分爽口；免治雞腿棒內有軟骨，配上蛋黃🍳口感豐富之餘又滑，推薦；而松茸免治雞肉嘅菇燒完仲帶有水份唔會太乾💦 加埋釀入嘅雞肉；熟成雞腿肉啖啖肉，食肉獸之選；唐揚嘉美雞全翼，炸到金黃酥脆十分靚仔，內裡保持到嫩滑👍🏻 食完一輪雞後就再試一試其他嘢～ 鹽燒牛舌芯爽口彈牙；鹽燒黑毛和牛小排同A4和牛三角腩，前者正常發揮，後者較嫩滑同牛味較出；🍤海老卷大大隻，彈牙鮮味；黑松露帶子燒，厚身有咬口，黑松露愛好者可以一試 🩷 金針菇卷同鵪鶉蛋卷，大大件一口啪十份滿足；青椒仔幾的骰同燒茄子燒汁味濃好惹味 😍 眼見都唔少人預約入座，如果想收工後搵個地方小酌一杯食下串燒傾下偈，呢間日式串燒係一個唔錯嘅選擇 。 炭火地雞 🍴 銅鑼灣登龍街28號永光中心15樓 💰 平均消費 𝗛𝗞𝗗𝟱𝟱𝟬 💓 雞皮 唐揚嘉美雞全翼 免治雞腿棒 松茸免治雞肉 𝖳𝖺𝗌𝗍𝖾 ♥︎♥︎♥︎♥︎♡ 𝖲𝖾𝗋𝗏𝗂𝖼𝖾 ♥︎♥︎♥︎♥︎♡ 𝖣𝖾𝖼𝗈𝗋 ♥︎♥︎♥︎♥︎♡ 𝖧𝗒𝗀𝗂𝖾𝗇 ♥︎♥︎♥︎♥︎♡ 𝖢 / 𝖯 ♥︎♥︎♥︎♥︎♡ #全民打卡企劃#2023日常#銅鑼灣美食