即叫即燒🔥燒鳥來

去太子買嘢，經過見倒九龍城都有間嘅燒鳥來，梗係要買返幾串返屋企食！店內串燒係即叫即燒！但都唔會等太耐，因為先烤後燒！餐牌主打串燒，有雞、牛、豚、海鮮同野菜等，小店細細選擇都幾多，價錢夠親民，外賣加餸啱哂！ 🥚免治雞肉串配日本蛋 $35：串燒必點嘅免治雞肉串，外賣用一個小盒裝住日本蛋，滿滿誠意！軟嫩嘅雞肉加上雞軟骨，食落口感豐富！配埋日本蛋黃一齊食更香更滑！ 🍗京蔥雞肉串 $15： 用咗雞脾肉，雞皮燒得香脆可口，雞肉嫩滑，大蔥保持水份，唔錯！ 🍖牛肉串 $25：牛肉串香口惹味，牛肉軟嫩，性價比好高！ 🍍焦糖燒菠蘿 $18 : 估唔到份量幾足！新鮮嘅菠蘿切片，頂層滿滿焦糖香！清甜可口！返到屋企食仲咁好味！必點之選！ 焼き鳥。來 Yakitori Kuru 地址📍：太子大南街57號地舖