大角咀大排檔風味韓國菜

好耐冇食韓國菜，黎咗呢間位於大角咀嘅人氣食店。之前都有黎過，嘢食唔錯之餘環境氣氛都十足去咗韓國咁，睇睇個menu都多咗好多新菜式。 秘製蜂蜜蒜蓉豬手配生菜 $238 呢款餐廳新推出嘅豬手，面頭鋪咗滿滿嘅蒜泥，因為加咗秘製蜂蜜同椰菜落去打成泥，食落去帶少少甜唔會話好辣。豬手肉好腍，豬皮又夠爽彈充滿骨膠原。用生菜夾住豬手、蒜泥同泡菜一齊食認真唔錯，味道好夾之餘帶d清爽，完全唔覺得有油膩感。 醬油蟹膏蟹肉拌飯 $118 另外叫咗個醬油蟹拌飯，醬油蟹膏好入味，唔會話太鹹，蟹膏好鮮味，加埋鮮甜蟹肉同紫菜撈飯一齊食一流。 草莓乳酸刨冰 $78 夏日炎炎當然要食返碗刨冰，呢到嘅刨冰係傳統嘅粒粒冰，雖然冇咁綿密，但食起上黎就更加消暑。草莓乳酸味道酸酸甜甜，食落清新唔會太膩。 草莓牛奶配蜂巢特飲 $88 飲品方面叫咗蜂巢特飲，原片蜂巢加入草莓牛奶，味道香甜帶有陣陣蜂蜜香。 。 。 新沙洞大排檔 (大角咀) 大角咀大政街10號地舖 。 。