《出色大排檔 必食燕麥金沙蝦球》

店鋪長期人龍滿滿 食物質素令人驚喜 唔怪得咁多人等位 要再encore🤩🤩 ▫️燕麥金沙蝦球 ($113) 呢款超推薦😍燕麥加金沙呢個配搭好有特色 燕麥脆脆地 沾上蛋黃沙份外香口 蝦球大約有8-9舊 彈牙爽口 啖啖金沙香 ▪️ 香爆黑椒牛仔骨煲($113) 份量好足 黑椒汁味道濃郁 牛仔骨肉質好嫩 一啲都唔會鞋 ▫️ 啫啫唐生菜煲 ($83) 生菜煲加入蝦乾炒香 食落好香既蝦膏味 超惹味🤪 ▪️ 黃金炸饅頭(半打) ($40) 有6粒炸饅頭 外脆內軟 配上煉奶超滿足🥰🥰 ▫️ 懷舊豬油飯(復刻版) ($25) 店舖豬油飯可選擇固體或液體豬油 今次簡左固體 放落白飯到立即溶解 食落帶沙沙的感覺 好香！ 最後仲有糖水送 有番薯糖水同綠豆清心丸簡 簡左各一碗 番薯糖水🍠大大舊 薑水濃郁香甜 而綠豆清心丸幾特別 煙韌有咬口 🏷土瓜灣馬坑涌道2C號寶光大廈地下C及D號舖 #食勻全世界