油麻地平靚正任食火鍋店

喺油麻地發現咗呢間性價比高嘅四川火鍋店，而且裝潢有濃厚嘅中國風，仲提供各式各樣嘅古裝俾食客影相，打卡呃like就岩哂。 佢哋嘅午市半自助式火鍋定食套餐非常之抵食，最平果款只係需要$78（茶水、調料費另計），除咗有多款蔬菜同丸類、仲有雞件、豬肉、鴨血、牛柏葉、魷魚等火鍋配料都係自助形式任夾。其中有d仲係平時比較少見嘅食材，好似海帶芽、青筍、鵪鶉蛋、寬粉等等。甜品方面仲有多款口味嘅Haagen Dazs任食，可以食足2個鐘，實屬超平飽肚午餐之選。 鴛鴦鍋底 想食佢哋個招牌牛油紅鍋(+$28)又怕太辣，就叫咗鴛鴦鍋拼埋高湯鍋底。個紅鍋用咗成磚牛油再加埋辣椒、花椒等勁多材料去炮製，食落香、辣、麻一應俱全。 D)手切美國牛頸背+手切美國牛小排 $168@ 我哋就揀咗食呢款有兩款牛肉嘅套餐，每位包咗手切美國牛頸背同牛小排各1碟。雖然係定量，但份量一d都唔少。牛肉新鮮，肥瘦適中，色澤都好靚。食落肉味香濃又夠腍。我哋另外仲叫多咗碟牛舌，食落都非常爽口。 。 。 九龍坎麻辣火鍋 (新光商業大廈) (油麻地) 油麻地彌敦道469號新光商業大廈3樓 。 。 #打邊爐 #任食 #火鍋 #油麻地 #九龍坎 (此文章由U Blog 同步發佈至社群)