每次去泰國旅行淨係識買小老闆紫菜做手信？泰國實在有太多值得入手嘅寶藏手信，每次都有選擇困難？小編今日精選出8款社群U Creator力推泰國手信，有齊爆紅曲奇波波、斑蘭流心包，仲有外型精美有特色嘅鼻通，即將去泰國嘅您即刻入嚟睇睇最新熱門手信清單！🛒✨ ----------------- 1️⃣ 即食船麵近期睇Threads見到呢包「即食船麵」老是常出現，連啱啱去完泰國嘅小編去勻便利店超市睇都係斷晒貨！社群U Creator就形容食落去同曼谷船麵一條街食到嘅味道冇分別，有識食網民就推介用湯底嚟淥菜更出色，大家經過超市便利店又睇下有冇得買！ ▶ “MG” 分享泰國超人氣即食船麵食評 ----------------- 2️⃣ KUNNA泰式奶茶芒果乾＆榴槤果乾芒果乾就食得多，泰式奶茶芒果乾又有冇試過？泰國超人氣果乾品牌「KUNNA」推出多款口味芒果乾大玩新奇配搭，除咗有椰奶芒果乾、朱古力芒果乾外，經典泰奶醬芒果乾亦大受好評，將兩種泰國經典味道結合，以為會好甜？即睇社群U Creator “Eatwithyannes” 真實食評！去泰國又點少得食榴槤！榴槤迷不妨買埋同品牌嘅呢款榴槤果乾品嚐一下，味道天然無添加糖，榴槤迷一定鍾意！ ▶ “積仔記-吃喝玩樂旅遊達人” 分享KUNNA榴槤果乾食用心得 ----------------- 3️⃣ Kya Jew斑蘭流心包近排斑蘭甜品大行其道，嚟到泰國一定要試返正宗嘅泰式斑蘭甜品！Kya Jew推出呢款爆紅斑蘭流心包絕對係曼谷旅遊必買手信之一，外皮鬆軟，內餡斑蘭味濃郁，而且一口大小方便食用。社群U Creator就推介放冰格整凍嚟食，口感層次更加昇華！ ▶ “小白白” 分享爆紅斑蘭流心包食用心得 ----------------- 4️⃣ PS I LOVE YOU果仁曲奇波波呢款果仁曲奇球波波亦係唔少社群U Creator都有推介嘅泰國必買手信，爆紅程度甚至去到每次經過都要排隊先買到！採用高質天然原料烘焙而成，共有牛油味、脆脆朱古力麥芽、粟米片、榴槤粉等14款口味，社群U Creator形容咬落鬆化仲有果仁咬口，健康又好味道！ ▶即睇 “CK環球尋味之路” 分享爆紅手工曲奇波波食評 ----------------- 5️⃣ KEWPIE蛋黃醬（車打芝士／黑松露）去Big C掃貨一定唔好錯過入手KEWPIE人氣蛋黃醬，係唔少泰國遊客形容「泰國必買手信」之一！必買款式包括車打芝士蛋黃醬及松露蛋黃醬，除咗可以蘸薯條食之外，搭配炸物、三文治、沙律咁食都好match，懶人又想食得好啲，呢個必買！ ▶即睇 “grassrootseaters草根姐妹” 介紹KEWPIE蛋黃醬打開方式 ----------------- 6️⃣ Clorets 無糖冰涼西瓜糖如果您平時鍾意食涼感糖提神，咁您去泰國就一定要無腦入手7-11、Big C熱賣嘅「Clorets冰涼西瓜糖」！食落係甜甜地西瓜味，同時散發出冰涼薄荷香，食完feel到浸涼感會持續超過20分鐘，十分持久！勁適合返工提神醒腦食！ ▶即睇社群U Creator分享西瓜糖食後心得 ----------------- 7️⃣ Green Bio 專業修護焗油髮膜除咗以上各款零食之外，遊客必買嘅泰國手信當中，Green Bio呢款護髮膜一定榜上有名！最多人入手藍色呢款主打一般髮質修護保養，長期使用仲可以令頭髮變得更有光澤及減少脫髮問題。髮膜分別推出大支裝及獨立包裝，而且性價比高，買幾包返香港做手信一流！ ▶即睇社群U Creator “issiyyi” 分享髮膜配方及使用方法 ----------------- 8️⃣ 泰國鼻通另一款非零食類特色手信，小編認為鼻通係一個唔錯嘅選擇！喺泰國經過唔同大小商舖，好多店家都推出外型時尚有特色嘅薄荷棒，除咗有國民經典老字號「八仙」外，微笑鼻通、芒果糯米飯味鼻通等等，玩味感十足，去泰國旅行一定要買幾支俾朋友做手信～ ▶即睇 “full.1sec” 分享泰國特色造型薄荷鼻通戰利品 ----------------- 延伸閱讀：【日本藥妝2026】網民力推必買Top 10好物推介！熱銷清單：爆紅護眼神器/頸紋霜/懶人痠痛膏【日本手信2026】嚴選東京最新人氣手信清單！網民力推爆紅奶油餅乾/焦糖布丁撻【韓國手信2026】首爾必買8大零食手信推介原顆水果糯米滋/爆紅奶油餅乾 🔔招募U Creator l 出Post賺獎賞！立即登記➡️ https://ulapp.hk/5molx ＊以上泰國各大超級市場（及便利店販售之商品包裝規格、庫存量及期間限定口味，均以泰國當地門市現場實際供應為準。 🔔 Follow《U Community社群》Instagram 同讚好 Facebook專頁，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。圖片來源：社群U Creator @Konglui.food 、 @full.1sec 、 @issiyyi 、 @你好嗎、 @grassrootseaters草根姐妹、 @CK環球尋味之路、 @LoklokCook 、 @小白白、 @Eatwithyannes 、 @積仔記-吃喝玩樂旅遊達人、 @MG #ULifestyle #ULifestyle社群 #UCommunity #社群排行榜 #泰國手信 #泰國必買 #曼谷必買 #泰國自由行 #BigC必買 #即食船麵 #斑蘭包 #泰國鼻通 #泰國美食

【2026最新】泰國必買8大人氣手信 必買大熱曲奇波波/斑蘭流心包/特色鼻通

【2026最新】泰國必買8大人氣手信必買大熱曲奇波波/斑蘭流心包/特色鼻通