喺香港食燒肉好多時都會夾雜其他國家肉類,但呢到所有食材主打全日本直送,當中宮崎A5桜花牛仲係自家農場養殖 餐廳環境舒適,好鍾意木系裝潢,仲有一個個獨立小房間,望出窗外係環境開揚維園景觀 呢個放題超豐富,除咗A5桜花牛外,仲有鹿兒島黑豚、地雞、海鮮及蔬菜等,多款單品超過60款,未上主角燒肉前,先點了熟食吉列廣島蠔,炸到外層香脆可口,入面隻蠔身肥美飽滿蠔味十足,佢啲單品完全唔似放題級數,係高質單點級別 到主角出場了,有成10款不同部,由赤身至霜降啲油花真係好靚,當中6款可以任食㗎(五花腩、牛肋肉、肩口肉、肩里肌、內後腿肉、外後腿肉),另外仲會有4款一次性部位(肉眼扒、壽喜燒、和尚頭、前腿肉) 一開始先由赤肉食起,五花腩燒到出血水再反轉燒幾下就食得,已經食到肉香嫩滑,再到內後及外後腿肉,到油脂開始重嘅牛肋肉,之後壽喜燒及和尚頭部位除咗牛外,雞肉豚肉都真係要點埋,五花腩粉嫩,雞肉好嫩滑,肉質不錯 到一大片嘅西冷肉眼扒真係不得了,望落去霜降超粉嫩油脂豐富,食落肉質綿密入口即溶,當中肉眼及壽喜燒會由店員代勞燒好,佢哋經驗豐富燒到剛好 蟹味噌甲羅燒都要叫,蟹膏鹹香鮮味配香脆米通食一流 呢到連和牛內臟都有,我本人就好鍾意食內臟,牛肝牛肺太邪惡了,燒完後甘香美味,聽店員講每日會有3款不同部位供應,連雞皮及內臟都有㗎,海鮮方面有厚切彈牙汐赤魚,辣汁魷魚好新鮮又惹味,仲有香草牛油廣島蠔都要食 朋友鍾意食麵,和牛拉麵及蕎麥麵都出色,多朋友一齊食就可每樣試啲 芝士年糕好重芝士味,入口軟糯入面流心芝士香濃,最後食埋柚子葩及抹茶雪糕就完滿,成個放題性格比極高,剩係任食和牛都回大本,出面買都好貴,一次可以食到咁多款喔—————————————————————-「宮崎A5桜花牛極上燒肉放題 」$998位價錢由$598起至$998 (放題或半放題都有)—————————————————————-餐廳:宮崎肉本舖地址:銅鑼灣糖街25-31號Sugar+6=============================== 可點擊以下i'd進入各平台 多個平台Blog及專頁分享 - 有齊各平台連結Facebook : 愛食愛玩愛享受 Instagram : @eddie_ilovefood777 MeWe : 愛食愛玩愛享受 Youtube : 愛食愛玩愛享受 小紅書 : 愛食愛玩愛享受Trip.com : 愛食愛玩愛享受U Lifestyle 社群 : 愛食愛玩愛享受Openrice : eddie_ilovefood777 大眾點評 : 愛食愛玩愛享受Google Maps : 愛食愛玩愛享受 Tripadvisor : eddie_ilovefood777 可點擊以下5個<個人網誌> Blogspot 。U Blog 。FanPiece。BeautyExchange。she.com =============================== E-mail : eddieng1016@gmail.com ===============================#宮崎肉本舖 #銅鑼灣美食 #燒肉放題#和牛 #日本菜 #放題 #艾迪 #愛食愛玩愛享受