主打一系列東南亞菜式，夠哂惹味，而且環境高雅，裝潢極具心思💝

🌟餐廳：EPICE瀧香 📍地址：深南大道9668號華潤城萬象天地NL156號鋪 💰價位：￥200 - ￥400 ⏰營業時間：星期一至日11:30 - 00:00 📱電話：0755-86686607 / 17727886768 朋友仔今日又帶我北上鬆一鬆～今日就黎到萬象天地呢間人氣餐應「EPICE瀧香」，主打一系列東南亞菜式，夠哂惹味，而且環境高雅，裝潢極具心思，滿滿打卡位！ ——————————————————— 🔹 西貢蜜柚鮮蝦沙拉 先黎一份越式風味嘅開胃沙律！蜜柚份量十足，果肉粉紅，口感清甜無渣，毫無酸澀味～搭配新鮮彈牙既大蝦肉，再加上爽脆沙律菜，拌以微微酸辣汁，開胃又清新！ ——————————————————— 🔹 蟹肉椰青蒸蛋白 擺盤及製作相當精緻！原個雞蛋殼加入蟹肉、蛋白及清甜既椰青水燉制，入口香滑得黎，鮮味十足！上層更加入大大份海膽，入口甘甜，每一啖食落鮮味濃郁～ ——————————————————— 🔹 椰香雞湯 滿滿泰式風味！湯頭加入香茅、南薑及椰奶等材料熬煮，夠晒濃郁！入口帶點微微酸辣，飲落零舍，雞肉嫩滑多汁，值得一試～ ——————————————————— 🔹 香茅番茄燴牛尾 另一款惹味香濃既菜式！上菜時以燭台加熱，務求食客每一啖都能品嘗熱辣辣既體驗！牛尾大大件份量十足，炆煮得夠哂軟腍，牛味及牛脂味突出，搭配香茅及蕃茄炆煮，入口微微酸，夠哂開胃，用黎送飯一流！ ——————————————————— 🔹 泰式青檸鱸魚 餐廳招牌菜式！原條鱸魚蒸煮後放上鐵鍋，加入以青檸、香草、薄荷葉等材料打成既特調醬汁，一路滾住黎食，色香味俱全！魚肉超滑嫩而且好厚肉，伴以清新既青檸酸辣醬汁，更能提鮮，啖啖滋味！ ——————————————————— 🔹 泰式手標紅茶奶凍 食左咁多款口味濃郁既東南亞菜式，係時候歎返款甜品解解膩先！呢款泰式手標紅茶奶凍，用上泰式奶菜用基底，製成奶凍，入口滑順香甜，夠哂滿足！ ——————————————————— 🔹 越南滴濾咖啡 及 泰式檸檬茶 食東南亞菜式又點少得叫返款地道特色飲品！ 越南滴濾咖啡加入香甜椰奶，入口更細滑香濃，滴濾咖啡入口甘香烘焙味十足，令人一試難忘！ 泰式檸檬茶，茶底用上多款茶葉調制，紅菜味道回甘突出，加入檸檬入口更清新！ ——————————————————— 👅整體小總結 餐廳落戶萬象天地，環境寬敞優雅之餘，亦設置室內及室外座位，裝潢以簡約庭園風設計，用餐環境令人心曠神怡～食物方面，提供多款東南亞地道菜式，一個地方就能歎盡星馬泰越等經典美食，大推！ 出示回鄉證仲可以享受港人套餐優惠，勁抵！ #OK即刻有#祝大家生日快樂#深圳美食#深圳攻略#UCreator#深圳探店#深圳打卡#深圳新店