牛肉火鍋界嘅天花板，主打秦川土黃牛一系列牛肉😀😀

🌟餐廳：潮汕大目牛肉火鍋（皇崗旗艦店） 📍地址：福田區皇崗二街皇崗村市場北座 💰價位：～$100 - $200 ⏰營業時間：星期一至日11:00 – 03:00 📱電話：0755-83988118 年底、春節聚餐要食牛肉火鍋，就一定要到「潮汕大目」試一下，這家傳承了43年老字號，質素有保證🌟呢間牛肉火鍋界嘅天花板，以秦川土黃牛一系列牛肉為招牌菜式🤟🏻今日凍凍地，一於搵埋朋友仔北上，去佢哋皇崗嘅旗艦店大擦一番先❤ ——————————————————— 🔹火鍋醬料 火鍋醬料自助區配料選擇眾多，有齊辣椒油、蒜蓉、芹菜，沙茶醬、陳醋、蔥花、芫茜等等，特別推介新鮮青柑桔，味道清爽香氣十足，用黎伴牛肉夾到不得了！ ——————————————————— 🔹沙嗲鴛鴦鍋 (沙嗲及牛骨湯) 嚟到呢度必點人氣沙嗲鴛鴦鍋湯底！沙嗲湯底用料十足，沙嗲味夠濃，仲加入花生粒，味道濃而不膩，牛肉x沙嗲，簡直絕配！ ——————————————————— 🔹尊品黃肥牛(吊龍) 份量十足，大大碟，夠晒吸睛！秦川土黃牛肉由師傳即叫即切，肉質色澤粉嫩，新鮮之選！ 吊龍既油脂分佈均勻，只需烚八秒左右就食得，入口鮮嫩而帶點油脂香氣，鍾意食牛嘅朋友仔一定要試！ ——————————————————— 🔹尊品新鮮雪花肥牛 同樣份量十足！牛肉雪花油脂分佈更豐盛，牛脂及牛肉位更帶點爽勁，食落更有口感，另一款心水之選！ ——————————————————— 🔹尊品胸口朥拼生牛舌 呢度堪稱牛肉火鍋界嘅天花板，當然有唔同牛肉部位選擇！呢款胸口朥拼生牛舌必點！ 胸口朥採自牛心臟既脂肪膜，油脂感突出而且入口爽脆嫩滑，值得一試！牛舌亦係呢一度嘅招牌菜式之一！師傅嘅刀工一流，牛舌切得夠薄，輕輕烚幾秒就食得，入口口感嫩滑，大推！ ——————————————————— 🔹尊品黑百葉拼牛黃喉 稀有嘅部位仲包括黑百葉及牛黃喉！特別推介牛黃喉，脆口得黎散發着陣陣牛肉香味，口感一流。黑百葉超大塊，烚15秒就食得，入口同樣夠爽脆，超滿足！ ——————————————————— 🔹熟牛筋丸 潮汕手打牛筋丸喺呢度嘅名物之一！牛筋丸以人手打制，貨真價實，口感夠彈牙之餘，咬落肉汁豐富四溢，係我心目中首選嘅牛筋丸！ ——————————————————— 🔹牛肺 牛肺以沙嗲湯底煮制，食落零舍惹味！牛肺質感嫩滑juicy，口感軟綿綿，值得一試！ ——————————————————— 🔹炸魚皮 炸魚皮夠晒香脆，吸收哂沙嗲湯既湯汁，超惹味既小食！ ——————————————————— 🔹娃娃菜 娃娃菜份量十足，新鮮嫩滑！我就鍾意將佢加入牛骨清湯煮製，吸收哂牛肉鍋嘅精華，超juicy! ——————————————————— 🔹出前一丁 意猶未盡嘅我哋，當然要叫返個出前一丁麵，自製沙嗲牛肉出前一丁麵！食落啖啖超滿足，濃濃嘅沙嗲汁包住爽彈嘅麵條，大滿足！ ——————————————————— 🔹尊品牛雜煲 為食既我地仲叫埋呢款尊品牛雜煲，用Gas爐煲仔上，熱辣辣香噴噴，原汁原味！ 配料有齊牛腩、牛筋、牛腸及牛肚，用料夠哂豐富，牛雜醃得夠晒入味，係另一款潮汕風味之選！ ——————————————————— 😋味道：4.5/5 🏢環境：4.5/5 💁🏻‍♀服務：4.5/5 💵價錢：4.5/5 🤟🏻性價比：4.5/5 ——————————————————— 👅整體小總結 真心推介呢一間牛肉火鍋界嘅天花板！ 不論牛肉既質素、種類及性價比夠哂出色！ 而且他們家在深圳春節期間都正常營業，幾個口岸都有分店，還可以包廂預訂！ 今次幫襯嘅皇崗旗艦店，佔地兩層，環境夠哂闊落，值得一讚係抽風系統亦好足夠，用餐環境舒適！加上食物嘅質素穩定，牛肉新鮮即宰，而主打嘅沙嗲湯底夠晒濃厚，超推介鍾意食牛肉既朋友仔嚟試一試！ ——————————————————— 潮汕大目牛肉火鍋 【福田口岸】 📍皇崗旗艦店 營業時間：1100-0300 地址：深圳福田皇崗村市場北座1樓（近福田口岸、福民站C出口，進皇崗村後直行可見） 電話：0755-83988118 #OK即刻有#祝大家生日快樂#深圳美食#深圳攻略#UCreator#深圳探店#深圳打卡#深圳新店