日本賞櫻2024入門級🌸教你分辨4大品種😎附觀賞名所推介✨

日本每年櫻花盛開都會帶嚟一遍粉紅色嘅浪漫景象🌸吸引唔少旅客特意前往欣賞，真係一見難忘！😍 但你又會點樣賞花呢？樹下野餐？定係打個卡望兩下就算？唔想膚淺賞花，浪費旅行成本，等我教你分日本常見櫻花品種！😎 要分辨櫻花，可以由顏色、花瓣數量、花嘅大細、樹形入手✨ 1. 染井吉野櫻 染井吉野櫻開花時為淡粉紅色，完全盛開後會逐漸轉為白色🤍係擁有5塊花瓣或以下嘅「一重櫻」🌸花朵亦比其他品種稍大，而且因為容易種植、生長速度快，喺二戰過後被廣泛種植🌳成為日本最常見嘅櫻花，亦係日本最具代表性嘅櫻花！✨連櫻花前線預測指標都係以呢種櫻花嚟做標準架！ 觀賞名所： 【東京】新宿御苑 【東京】上野公園 【京都】哲學之道 【大阪】大阪城公園 2. 河津櫻 河津櫻顧名思義係來自伊豆嘅河津櫻花，佢同樣係5瓣嘅「一重櫻」🌸花朵比吉野櫻再大啲，顏色以粉紅為主💗喺冬末就會開花，係最早開花嘅品種！😚加上盛開期有1個月咁多，所以同樣成為人氣高漲嘅櫻花品種～ 觀賞名所： 【東京】代代木公園 【東京】舊中川（旧中川）沿岸 【靜岡】河津櫻之祭 3. 八重櫻 睇完以上兩種櫻花，聰明嘅你應該估到「八重櫻」同花瓣數量有關！😆所謂嘅「八重」，係指花瓣數超過五塊以上嘅品種，要細分嘅話仲有「半八重櫻」添架～😳八重櫻開花時間比染井吉野櫻稍遲，所以如果錯過咗櫻花前線預測嘅時間，都唔需要太失望～😚🌸✨ 觀賞名所： 【東京】濱離宮恩賜庭園 【茨城】 八重櫻祭典 4. 垂櫻 顧名思義係好似柳樹咁下垂嘅櫻花，優雅而浪漫，自帶詩情畫意！🥹垂櫻嘅花朵顏色從淡粉到深粉不等，花朵都比較細小，所以容易隨春風造成櫻吹雪效果～😍佢嘅花期較早，同河津櫻一樣係春天使者，可以喺吉野櫻盛放前先行欣賞～ 送多個小知識！垂櫻係櫻花界長壽代表之一，樹齡可達 300 年左右！可以比好多代人欣賞呢🤣 觀賞名所： 【東京】六義園 【東京】小石川後樂園 【京都】平安神宮 認識完櫻花品種，就可以威威賞櫻，唔係淨係打卡啦😎留言話我知你最鍾意邊一種櫻花！想睇更多日本知識或者旅遊攻略記住Follow我😚 圖片來源：日本花の会 #日本之旅#日本好去處#旅行打卡#日本神社#日本食玩瞓#日本旅遊攻略#日本旅遊攻略2024#日本之行#日本櫻花#日本櫻花2024