充滿東南亞風味之外,又完美融合港式茶餐廳經典美食😍

#全民打卡企劃 🌟餐廳:山打根 📍地址:將軍澳澳南海岸唐俊街23號MONTEREY Place地下G12號 放假一早約埋朋友仔去將軍澳逛逛順便搵下好野食~黎到將軍澳海濱附近,發現MONTEREY Place進駐左一間充滿南洋風情既「山打根」,主打多款地道東南亞菜式,又融入多款港式美食,夠哂創意! 🔹越南蔗蝦 先黎一款越南蔗蝦做小食~外層蝦滑外脆內軟,蝦味濃郁,鮮味十足,內層既甘蔗香甜多汁,搭配埋甜辣醬,食落更加香口~ ——————————————————— 🔹 椰香咖喱雞西多士 呢款以椰香咖喱雞Crossover 茶餐廳名物西多士,創意度十足!西多士炸至香脆,中間加入椰香味濃厚既咖喱雞,雞肉入口嫩滑,而麵包索滿咖喱汁,啖啖都咁滋味~ ——————————————————— 🔹招牌海蝦煎蛋撈麵 呢款fusion菜式,啱晒鍾意食麵既我! 撈麵用料豐富,採用來自泰國既新鮮大蝦,煎炸至外層酥脆,蝦身大大隻,蝦肉鮮味十足,無得彈!麵底用上中式油麵,以自家制醬油撈制,麵質爽彈之餘,份量十足,重點係特調蔥油汁,令撈麵食起黎更滑順及惹味!當然唔少得港式煎太陽蛋點綴,蛋邊煎至香脆可口,蛋漿味道濃郁,成個組合都好夾! ——————————————————— 🔹香茜胡椒花甲蜆湯粉絲 胡椒花甲蜆湯鮮味十足!特別一讚花甲高質夠哂新鮮,花甲肉飽滿鮮甜,以香茜胡椒湯底熬煮,微微香辣食得好過癮~粉絲用上泰國粉絲,帶點口感之餘、入口亦相當滑順,索盡花甲湯既精華~配料亦夠哂豐富,有齊豆卜、芽菜及烚蛋,大大碗食得好滋味! ——————————————————— 🔹 蝦頭油菜心 餐廳以蝦頭熬煮後既精華蝦油淋上鮮嫩既菜心,入口啖啖濃郁既鮮蝦味,色香味俱全,健度得黎又帶點邪惡,好有特色! ——————————————————— 🔹虎咬獅 最後叫返杯馬來西亞大熱嘅地道飲品~虎咬獅以美祿及咖啡調製而成,入口香甜滑順得黎又帶點咖啡烘焙味,醒神又暖胃,值得一試~ ——————————————————— 😋味道:4/5 🏢環境:4/5 💁🏻‍♀️服務:4/5 💵價錢:4/5 🤟🏻性價比:4/5 ——————————————————— 👅整體小總結 餐廳主打既地道東南亞美食,價錢親民,性價比十足~ 菜式除咗充滿東南亞風味之外,又完美融合港式茶餐廳經典美食,夠創意之餘又迎合香港人口味,夠晒特色!

地址
Monterey Place - O'South Coast 澳南海岸
香港將軍澳唐俊街23號
評分
5/5
How
下一篇載入中